२२ असार २०८३, सोमबार
सोलुखुम्बुमा आफ्नै भिनाजुको हत्या गरेको आरोपमा एक जना पक्राउ परेका छन् ।
पक्राउ पर्नेमा थुलुङदूधकोशी गाउँपालिका- २ देवीस्थानका ४५ वर्षीय पूर्णबहादुर बस्नेत छन् । उनलाई प्रहरीले शनिबार बिहान पक्राउ गरेको हो ।
६० वर्षीय भिनाजु सुरेश बस्नेतलाई खुकुरी प्रहार गरी हत्या गरेको आरोपमा उनलाई पक्राउ गरिएको जिल्ला प्रहरी कार्यालय सोलुखुम्बुले जनाएको छ ।
प्रहरीका अनुसार पूर्णबहादुरले आफ्नै घरमा पाहुना आएका सुरेशलाई खुकुरी प्रहार गरेका हुन् ।
घटनाबारे जानकारी पाएपछि जिल्ला प्रहरी कार्यालय सोलुखुम्बु र प्रहरी चौकी नेलेबाट खटिएको प्रहरीले उनलाई पक्राउ गरेको हो ।
थप अनुसन्धान भइरहेको प्रहरीले जनाएको छ ।
