२२ असार २०८३, सोमबार
इन्डानेसिया– इन्डोनेसियाबाट अधिकाशं महिला तथा बालबालिका सहित १५० जना भन्दा बढी रोहिंग्या शरणार्थीको उद्धार गरिएको संयुक्त राष्ट्रसङ्घीय शरणार्थी एजेन्सीले शुक्रवार जनाएको छ । एजेन्सीका अनुसार उनीहरू चढेको डुङ्गा समुद्रमा केही दिनदेखि फसेको अवस्थामा उनीहरूको उद्धार गरिएको हो ।
मुस्लिम समुदाय निकट रोहिंग्याहरू म्यान्मारमा पीडित भएकाले हरेक वर्ष हजारौंको सङ्ख्यामा मलेसिया र इन्डोनेसिया लगायतका देशमा पुग्नका लागि खतरापूर्ण समुद्री यात्रा गर्ने गर्छन् ।
करिब १५२ जना यात्रु बोकेको डुङ्गा केही दिनसम्म दक्षिण आचेह जिल्लाको तटबाट एक माइल टाढा रोकिएको थियो । केही दिनपछि अधिकारीहरूले उनीहरूलाई अवतरण गर्न दिने निर्णय गरेसँगै अन्ततः बिहीवार दिउँसो उनीहरूलाई किनारमा ल्याइएको हो ।
मानवजीवन बचाउने प्रयासका साथै करिब शरणार्थीलाई अवतरण अनुमति दिएकोमा यूएनएचसीआर अधिकारी र स्थानीय समुदायलाई यूएनएचसीआरका फैसल रहमानले धन्यवाद दिएका छन् । उनका अनुसार शरणार्थी मध्येका धेरै जना कमजोर महिला तथा बालबालिका थिए, जो मानव बेचबिखनको शिकार भएका थिए ।
