३१ असार २०८३, बुधबार
दार्चुलामा जीप दुर्घटना हुँदा छ जनाको मृत्यु भएको छ । मालिकार्जुन जात्राबाट गोकुलेस्वरतर्फ गइरहेको म१ज ३३८ नम्बरको जीप आज बिहान ४ बजे शैल्यशिखर नगरपालिका–५ मा पर्ने सिराडको खोलामा दुर्घटना भएको हो ।
दुर्घटनास्थलमा छ जनाको मृत्यु भएको र अन्य ६ जना घाइते भएका दार्चुलाका प्रमुख जिल्ला अधिकारी यज्ञराज जोशीले जानकारी दिए। जात्रा हेरेर फर्किएकाहरू सवार जीप दुर्घटनामा परेका उनले बताए । मृतकको सनाखत हुन बाँकी रहेको उनले बताए ।
घाइते सबैको अवस्था गम्भीर रहेको उनले बताए । घाइतेहरूलाई गोकुलेस्वर अस्पताल पठाइएको छ ।
दुर्घटनाको कारण र जीपमा कतिजना सवार थिए खुल्न सकेको छैन ।
जीप सडकबाट करीब १०० मिटर तल खसेको प्रहरीले जनाएको छ ।
