२२ असार २०८३, सोमबार
सिरियाको विद्रोही समूहले देशको दोस्रो ठूलो शहर एलेप्पोका धेरै क्षेत्र आफ्नो नियन्त्रणमा लिएको छ । बेलायतस्थित सिरियन अब्जर्भेटरी फर ह्युमन राइट्स (एसओएचआर)ले एलेप्पोका धेरै क्षेत्र विद्रोही समूहले नियन्त्रणमा लिएको दाबी गरेको हो ।
एसओएचआरले शुक्रबार साँझ विद्रोहीहरूले शहरको आधाभन्दा बढी भाग नियन्त्रणमा लिएको बताएको छ ।
सिरियाली सरकारविरुद्ध विद्रोहीहरूले हालैका वर्षहरूमा गरेको यो सबैभन्दा ठूलो आक्रमण हो । सन् २०१६ मा सेनाबाट निष्कासित भएपछि राष्ट्रपति बसर अल-असदको सेनासँग पहिलो पटक लडेका विद्रोहीहरू अलेप्पो पुगेका छन् ।
इस्लामवादी उग्रवादी समूह हयात तहरीर अल-शाम (एचटीएस) सँग जोडिएको च्यानलमा पोस्ट गरिएको भिडियोमा विद्रोही लडाकुहरूलाई सहरभित्र सवारी साधनमा देखाइएको छ।
सरकारले सन् २०११ मा प्रजातन्त्र पक्षधर आन्दोलनलाई दमन गरेपछि शुरू भएको गृहयुद्धमा हालसम्म ५ लाखभन्दा बढी मानिस मारिएका छन् ।
