३१ जेठ २०८३, आइतबार
मोरङको उमागौरी सहकारी ठगी प्रकरणमा मुछिएकी सार्वजनिक लेखा समितिका सभापति ऋषिकेश पोखरेलकी श्रीमती अंजला कोइराला अदालतमा उपस्थित भएकी छिन् ।
गत मंसिर २७ गते सहकारीको करिब २२ करोड रुपैयाँ हिनामिना गरेको आरोपमा जिल्ला सरकारी वकिलको कार्यालय मोरङले उनीसहित २६ जनाविरुद्ध मुद्दा दायर गरेको थियो ।
अदालतमा मुद्दा दायरपछि विराट रात्रि माविकी शिक्षिका समेत रहेकी कोइराला फरार भएकी थिइन् ।
तर बुधबार उनी अदालतमा उपस्थित भएकी हुन् ।
जिल्ला अदालतका न्यायाधीश उद्धवप्रसाद भट्टराईको इजलासमा उनको आजै थुनछेक बयान हुने गरी पेशी तोकिएको छ ।
सहकारी ठगी प्रकरणमा अध्यक्ष श्यामकुमार रौनियारसहित २३ जना अझै फरार छन् ।
रोशन राजवंशीलाई भने प्रहरीले नियन्त्रणमा लिएको छ ।
