२१ जेठ २०८३, बिहीबार
भागदौडले भरिएको जीवनमा स्वस्थ जीवनशैली अपनाउन र आफूलाई फिट राख्न धेरै जना मानिसहरू दैनिक रूपमा जिम जान्छन्।
जिमखानामा व्यायाम गर्दा शारीरिक बनावट मात्रै सुधारिँदैन, बलियोपन पनि वृद्धि हुन्छ। केही व्यक्ति बिहान जिम जान्छन् भने केही साँझ। तर, केही मानिसको विश्वास छ कि साँझमा जिम जानु स्वास्थ्यका लागि हानिकारक हुन्छ र जिम जानका लागि बिहानको समय उपयुक्त मानिन्छ। तर, के साँच्चै साँझमा जिम जानु हानिकारक हो त ? यसबारेका मिथक र तथ्यबारे जानौं :
मान्यता : साँझमा जिम जानु हानिकारक हो।
तथ्य :साँझमा जिम जानु हानिकारक होइन। यो त शरीर र मानसिक स्वास्थ्यका लागि फाइदाजनक नै हो। तर, ध्यान दिनुपर्ने कुरा के हो भने जिम जानुअघि भारी खाना नखानुहोस् र व्यायामपछि पर्याप्त आराम गर्नुहोस्।
मान्यता :साँझमा जिम जानाले निद्रा बिग्रिन्छ।
तथ्य : विशेषज्ञहरूका अनुसार साँझमा जिम जानाले एड्रेनालाईनको स्तर बढ्न सक्छ, जसले निद्रामा प्रभाव पार्न सक्छ। तर, यदि तपाईं जिमको २-३ घण्टा अघि व्यायाम गर्नुहुन्छ भने निद्रामा कुनै समस्या हुँदैन।
मान्यता :साँझमा जिम जानाले मांसपेशी दुख्छ।
तथ्य :व्यायामपछि मांसपेशी दुख्नु सामान्य हो, तर यो समस्या बिहान होस् या साँझ, कुनै पनि समयमा व्यायाम गर्दा हुन सक्छ। यसको मुख्य कारण व्यायाम गर्ने तरिका हो।
मान्यता : साँझमा जिम जानाले पाचन प्रणाली बिग्रन्छ।
तथ्य :विशेषज्ञहरूका अनुसार साँझमा जिम जानाले पाचन प्रणालीमा नकारात्मक असर गर्दैन। तर, जिम जानुअघि भारी खाना खाएमा पाचनसम्बन्धी समस्या हुन सक्छ।
साँझमा जिम जानुका फाइदाहरू :
