२२ असार २०८३, सोमबार
त्रिभुवन अन्तर्राष्ट्रिय विमानस्थलमा एक युवकमाथि दुर्व्यवहार गरेको आरोपमा तीन जना प्रहरीमाथि छानबिन शुरू भएको छ ।
विमानस्थल सुरक्षा कार्यालयमा कार्यरत उनीहरूलाई काठमाडौं उपत्यका प्रहरी कार्यालय रानीपोखरीले छानबिन शुरू गरेको हो ।
उनीहरूलाई जिम्मेवारीबाट हटाई रानीपोखरी झिकाएर आवश्यक छानबिन तथा अनुसन्धान भइरहेको कार्यालयका प्रवक्ता एसएसपी शेखर खनालले जानकारी दिए ।
विदेशबाट स्वदेश फर्किएका एक युवकमाथि दुर्व्यवहार गरेको भन्ने किसिमको भिडियो विभिन्न सञ्चारमाध्यममा सार्वजनिक भएको सम्बन्धमा काठमाडौं उपत्यका प्रहरी कार्यालयको गम्भीर ध्यानाकर्षण भएको एसएसपी खनालले बताएका छन् ।
