हत्या अभियोगमा नेपाली कांग्रेसका नेता एवं पूर्वमन्त्री मोहम्मद अफताब आलमसहित ५ जनालाई सफाइ दिने फैसलाविरुद्ध सर्वोच्च अदालतमा पुनरावेदन परेको छ ।

महान्यायाधिवक्ता कार्यालयले आलमसहित महाताब आलम, शेख सेराज भन्ने शेख सराद र बद्री सहनीलाई उच्च अदालत जनकपुरको वीरगन्ज अस्थायी इजलासले दिएको सफाइविरुद्ध सर्वोच्चमा पुनरावेदन गरेको हो ।

वीरगन्ज इजलासका न्यायाधीश खुसीप्रसाद थारू र अर्जुन महर्जनको इजलासले गरेको फैसला त्रुटिपूर्ण रहेको हुनाले उक्त फैसला बदरको माग सहित महान्यायाधिवक्ता कार्यालयले सर्वोच्चमा पुनरावेदन गरेको हो ।

थारू र महर्जनको वीरगन्ज इजलासले २०८२ जेठ १४ गते बुधबार आलमलाई सफाइ दिएको हो ।

उक्त मुद्दामा रौतहट जिल्ला अदालतले जन्म कैदको सजाय सुनाएको थियो ।​

सफाइ दिने न्यायाधीशविरुद्ध न्याय परिषद्‌मा उजुरी परेपछि सर्वोच्च अदालतले दुवै जनालाई काजमा सर्वोच्च अदालत तानेको छ । त्यस विषयमा न्याय परिषद्ले समेत छानबिन गरिरहेको छ ।

यो पनि पढ्नुस् 

पूर्वमन्त्री अफताब आलमलाई सफाइ

उच्चले सफाइ दिएसँगै आफताब आलम रिहा

न्यायपरिषद्‌ बैठक : आलमलाई सफाइ दिने उच्चका न्यायाधीशद्वयलाई कारवाही गर्न दबाब

अफताव आलमलाई सफाइ दिने न्यायाधीशमाथि इजलासमै कालो मसी प्रहार

आलमलाई सफाइ दिने उच्चका दुई न्यायाधीशलाई झिकाउन न्याय परिषद्को सिफारिस