२२ असार २०८३, सोमबार
नेकपा एमालेका केन्द्रीय सदस्य ऐन महरविरुद्ध पक्राउ पूर्जी जारी भएको छ । पक्राउ पूर्जी जारी भएपछि बुधबार उनी आफैं प्रहरीको साइबर ब्यूरोमा उपस्थित भएका छन् ।
एक महिलाले हुलाकमार्फत् पठाएको जाहेरी दर्ता गरेर ब्यूरोले काठमाडौं जिल्ला अदालतबाट पक्राउ अनुमति लिएको थियो ।
पक्राउ पूर्जी जारी भएपछि महर आफैं ब्यूरोमा उपस्थित भएको ब्यूरोका प्रवक्ता एवं प्रहरी उपरीक्षक दीपकराज अवस्थीले जानकारी दिए ।
उनका अनुसार महरलाई म्याद थपका लागि अदालतमा पठाइएको छ ।
‘हुलाकबाट उजुरी आएपछि हामीले दर्ता गरेर पक्राउ अनुमति लिएका थियौं, महर आफैं उपस्थित हुनुभयो’, एसपी अवस्थीले लोकान्तरसँग भने, ‘अदालतमा म्याद थपका लागि लगेका छौं ।’
