रुकुम पूर्वको सिस्ने गाउँपालिका–८ भुरुङ्गास्थित दमार खोलाको जंगलमा प्रहरीले बेवारिस अवस्थामा लुकाइ–छिपाइ राखिएको एक नाल भरुवा बन्दुक बरामद गरेको छ ।

अस्थायी प्रहरी चौकी धपेका प्रमुख प्रहरी सहायक निरीक्षक मोहनकुमार भडेलको कमान्डमा खटिएको चार जनाको टोलीले बुधबार बिहान करिब १० बजे गस्ती गर्ने क्रममा बन्दुक फेला पारेको हो ।

बरामद गरिएको बन्दुक दुई टुक्रामा विभाजित अवस्थामा भेटिएको थियो । उक्त बन्दुक अहिले जिल्ला प्रहरी कार्यालयमा राखिएको डीएसपी उमाशंकर प्रसाद यादवले जानकारी दिए ।