०९ साउन २०८३, शनिबार
जसपाका मधेश प्रदेशका अध्यक्ष अशोक यादवलाई प्रहरीले पक्राउ गरेको छ ।
जिल्ला प्रहरी कार्यालय सर्लाहीको टोलीले उनलाई मलङ्गवाको शिवसागर चोकबाट नियन्त्रणमा लिएको हो ।
यादवमाथि जिल्ला प्रहरी कार्यालय सर्लाहीका एसपी योगेन्द्रकुमार खड्कालाई गाली गरेको तथा आपराधिक उपद्रव र राज्यविरुद्धको अपराधमा संलग्न भएको आरोप छ ।
यादव र एसपी खड्काबीचको टेलिफोन वार्तालाप सामाजिक सञ्जालमा भाइरल भएको थियो ।
पक्राउ परेका यादवमाथि थप अनुसन्धान भइरहेको जिल्ला प्रहरी कार्यालय सर्लाहीका प्रवक्ता सरोज राईले जानकारी दिए ।
