काठमाडौं, ४ फागुन — उत्तर कोरियाका सर्वोच्च नेता किम जोङ–उनका दाइ किम जोङ–नामको हत्या भएको दक्षिण कोरियाले पुष्टि गरेको छ । प्योङयाङको क्रूरताको यो एक उदाहरण भएको दक्षिण कोरियाको अनुमान छ ।
किम जोङ–नामलाई सोमवार मलेसियाको राजधानी क्वालालम्पुरमा विषमार्फत मारिएको थियो ।
हत्याको मकसद पुष्टि भएको छैन अनि आक्रमणकारीको पहिचान पनि भएको छैन ।
दक्षिण कोरियाका कार्यवाहक राष्ट्रपति ह्वाङ क्यो–आह्नले यो घटनामा उत्तर कोरियाको संलग्नता पुष्टि भए उसको क्रूरता र अमानवीयता देखिने बताए ।
क्वालालम्पुरबाट मकाउ जान लागेको बेलामा विमानस्थलमा किमलाई रासायनिक आक्रमण भएको थियो ।
बीबीसीबाट
