काठमाडौं–भारतीय क्रिकेट बोर्ड (बीसीसीआई) को निमन्त्रणामा नेपाली यू–१९ राष्ट्रिय क्रिकेट टोली सोमबार भारतको लखनउ जाँदै छ । भारत र अफगानिस्तानसँग एकदिवसीय सिरिज खेल्न नेपाली यू—१९ टोली भारत जान लागेको हो । 

मोहमद आसिफ शेखको कप्तानीमा खेलाडी छनोट समितिले घोषणा गरेको टोली जान लागेको हो । ५० ओभरको प्रतियोगितामा नेपालसहित भारत ‘ए’ र ‘बी’ तथा अफगानिस्तानको यू–१९ टोलीले लखनउमा खेल्ने छन् । 
युवा टोलीको क्षमता विकासको लागि भारतले हरेक वर्ष आयोजना गर्ने यो सिरिजमा गत वर्ष श्रीलंकाको यू– १९ टोलीलाई बोलाएको थियो यस पटक नेपाललाई मौका दिइएको हो ।

यस्तो छ खेल तालिका-

• सेप्टेम्बर १२– भारत यू–१९ ‘ए’ विरुद्ध अफगानिस्तान यू–१९, लखनउ
• सेप्टेम्बर १२– भारत यु–१९ ‘बि’ विरुद्ध नेपाल यू–१९, लखनउ
• सेप्टेम्बर १४– भारत यू–१९ ‘ए’ विरुद्ध नेपाल यू–१९, लखनउ
• सेप्टेम्बर १४– भारत यू–१९ ‘बी’ विरुद्ध अफगानिस्तान यू–१९, लखनउ
• सेप्टेम्बर १६–  भारत यू–१९ ‘ए’ विरुद्ध एनसीए यू–१९, लखनउ
• सेप्टेम्बर १६– अफगानिस्तान यू–१९ विरुद्ध नेपाल यू–१९, लखनउ
• सेप्टेम्बर १८– टिम १ विरुद्ध टिम २, लखनउ
• सेप्टेम्बर १८– टिम ३ विरुद्ध टिम, लखनउ