२१ असार २०८३, आइतबार
काठमाडौं– सत्तारुढ नेकपाका एक सांसदले संसदका कुर्सीका कारण सांसदहरूको ज्यान धरापमा परेको भन्दै फेर्न संसद सचिवालयको ध्यानाकर्षण गराएका छन् ।
प्रतिनिधिसभाको आइतवारको बैठकको शुरूमा सभामुखसँग समय लिएर नेकपाका खगराज अधिकारीले संसद भवनका कुर्सी धराप भएको बताएका हुन् ।
‘चार पटक भयो सभामुख महोदय यहाँबाट लडेको, अहिलेसम्म दुर्घटना भएको छैन, आगामी दिनमा यस्ता कुर्सी नराखियोस् । संसदमा धराप भयो, ज्यान जोगाइपाउँ भन्नुपर्ने अवस्था आयो,’ अधिकारीले भने ।
सांसद अधिकारीको मागमा गम्भीर रूपले ध्यानाकर्षण भएको सभामुख महराले बताए ।
