२२ असार २०८३, सोमबार
काठमाडौँ - भारतीय राष्ट्रिय कांग्रेसका अध्यक्ष राहुल गान्धीले औपचारिक रूपमा अध्यक्ष पदबाट राजिनामा दिएको पुष्टि गरेका छन् ।
बुधवार आफ्नो राजिनामा घोषणा गर्दै राहुलले ट्वीटरमार्फत पत्र पनि सार्वजनिक गरेका हुन् । राहुलले अरू कसैलाई जवाफदेही बनाउनुभन्दा पहिला आफैं जवाफदेही हुनुपर्ने भन्दै आफ्नो राजिनामापत्र सार्वजनिक गरेका हुन् ।
राहुलले आफ्नो राजिनामा पत्रमा कांग्रेसका लागि काम गर्न पाउनु आफ्नो लागि सम्मानको विषय रहेको उल्लेख गरेका छन् ।
'ममाथि पार्टी र देशको प्रेमको ऋण छ,' पत्रमा राहुलले भनेका छन्, 'म यसप्रति आभारी छु । कांग्रेसको अध्यक्षका रूपमा २०१९ को लोकसभा निर्वाचनको हारको जिम्मेवारी मेरो हुन्छ । भविष्यमा पार्टी बिस्तारका लागि जवाफदेही आवश्यक पर्छ र यही कारणले मैले अध्यक्ष पदबाट राजीनामा दिएको हुँ ।'
राहुलले पत्रमा सत्तारूढ भारतीय जनताप्रति आफ्नो कुनै द्वेष नरहेको उल्लेख गरेका छन् ।
'बिजेपीविरुद्ध मेरो मनमा कुनै द्वेष छैन,' उनले भनेका छन्, 'तर भारतका बारेमा बिजेपीले राख्ने विचार सही छैन, त्यसको विरोध गर्न चाहन्छु । जहाँ उनीहरूले पृथकतावाद देख्छन्, मैले समानता देख्छु, जहाँ उनीहरूले घृणा देख्छन्, त्यहाँ मैले प्रेम देख्छु ।'
It is an honour for me to serve the Congress Party, whose values and ideals have served as the lifeblood of our beautiful nation.
— Rahul Gandhi (@RahulGandhi) July 3, 2019
I owe the country and my organisation a debt of tremendous gratitude and love.
Jai Hind 🇮🇳 pic.twitter.com/WWGYt5YG4V
