पोखरामा बढ्यो चोरी, प्रहरीले अनुसन्धानका लागि खटायो छुट्टै टीम

पोखरा - विगत केही महिनादेखि पोखरा महानगरपालिकाका विभिन्न ११ वडा कार्यालयमा चोरीका घटनामा अत्याधिक वृद्धि भएको पाइएको छ । चोरीका घटना वृद्धि भएसँगै कास्की प्रहरीले उक्त चोरीका घटना अनुसन्धानका लागि छुट्टै विशेष टोली खटाएको थियो ।

कास्की प्रहरीले घटनाको सुक्ष्म अध्ययन, वैज्ञानिक उपकरणको प्रयोग गरी चोरीमा संलग्न व्यक्ति तथा समूहको खोजतलास शुरु गरेको हो । कास्की प्रहरीले चोरी भएका सामान विक्री वितरण गर्ने तथा बनाउने पसलहरुमा समन्वय गरी चोरी गर्ने व्यक्ति तथा समूहको खोजी शुरू गरेको थियो ।


Advertisement

अनुसन्धानमा खटिएको प्रहरी टोलीले पोखरा महानगरपालिकाका विभिन्न वडा कार्यालयहरुमा रहेका कम्प्युटर, ल्यापटप लगायतका सामानहरु चोरी गर्ने जिल्ला काठमाण्डौ महानगरपालिका ११ घर भई हाल पोखरा १० कालिकाचोक स्थित डेरा गरी बस्ने ५१ वर्षीय किशोर थापालाई नियन्त्रणमा लिएको छ ।


Advertisement

त्यस्तै विक्रि वितरणमा संलग्न जिल्ला मकवानपुर थाहा नगरपालिका १२ घर भई हाल जिल्ला काठमाण्डौ महानगरपालिका १४ कलंकीमा कम्प्यूटर सोलुसन पसलका सञ्चालक ३६ वर्षीय रुपचन्द्र गोपालीलाई पक्रउगरेको हो ।

गत २६ गते अनुसन्धानमा खटिएको प्रहरीको टोलीले जिल्ला कास्की, पोखरा महानगरपालिका ०६ शहिदचोक स्थित किशोर थापालाई शंकाको आभारमा पक्राउ गरी सोधपुछ गरेको थियो । थापाले नै उक्त सामानहरु चोरी गरेको र काठमाण्डौमा लगि विक्रि वितरण गर्ने गरेको पाइएपछि प्रारम्भिक अनुसन्धानमा खटिएको प्रहरी टोलीलेउनी बिरुद्ध कार्वाही शुरुगरेको हो ।

विक्रि वितरण कार्यमा संलग्न कम्प्यूटर सोलुसनका सञ्चालक रुपचन्द्र गोपालीलाई चोरी भएका सामानहरु सहित २७ गते प्रहरी अनुसन्धान टोलीले पक्राउ गरेको होे ।

थापाको डेराबाट प्रहरीले ल्यापटप तथा क्यामेराका साथै चोरी कार्यमा प्रयोग गरिने विभिन्न औजार र लागू औषध ब्राउन सुगर २.३६ ग्राम बरामद गरेको छ । साथै कम्प्यूटर सोलुसनका सञ्चालक रुपचन्द्र गोपालीको पसलबाट प्रहरीले १७ थान मोनिटर,९ थान सिपियू र ३ थान ल्यापटप समेत बरामद गरी दुवै जना उपर थप अनुसन्धान तथा कारवाही प्रक्रिया अगाडी बढाएको छ ।

कमेन्ट गर्नुहोस्