कृषि तथा पशुपन्छी विकास मन्त्रालयमा बिहीवार नेपाली राजनीतिमा बिरलै देखिने दुर्लभ दृष्य देखियो ।

राष्ट्रपति भवन शीतल निवासमा पुगेर शपथ लिएपछि कार्यभार सम्हाल्न सिंहदरबार मन्त्रालय आइपुगेका नवनियुक्त मन्त्री घनश्याम भुसाल आफ्नो कार्यकक्षमा मात्र के प्रवेश गरेका थिए, उनलाई बधाई दिन तथा स्वागत गर्न निवर्तमान कृषिमन्त्री चक्रपाणि खनाल आइपुगे ।

आज घनश्याम बसेको त्यही कुर्सी हो, जहाँ हिजोसम्म चक्रपणि बसेका थिए । चक्रपाणिले मुस्कुराउँदै बलियोसँग हात मिलाए अनि गम्लङ्ग अंगालो मारे ।

जाँदै गरेका र आउँदै गरेका मन्त्रीबीचको यो सौहार्दता र आत्मीयता देख्दा मन्त्रालयमा उपस्थित सबैले प्रशंसा गरे ।

त्यसअघि मन्त्री भुसाललाई कर्मचारीहरूले फूलको गुच्छासहित स्वागत गरेका थिए ।

स्वागतपछि मन्त्री भुसालले लोभ र डरबाट मुक्त भएर काम गर्ने प्रतिबद्धता व्यक्त गरेका छन् ।

हेर्नुहोस्, घनश्यामलाई चक्रपाणिको स्वागत :