बर्दियाको १ नम्बर निर्वाचन क्षेत्रमा सत्ता गठबन्धनबाट नेपाली कांग्रेसका उम्मेदवार सञ्जयकुमार गौतम विजयी भएका छन् ।

उनले निकटतम प्रतिस्पर्धी नेकपा एमालेका लक्ष्मणराज ज्ञवालीलाई पराजित गरेका हुन् ।

गौतमले ३० हजार ६११ मत तथा ज्ञवालीले २६ हजार १५५ मत प्राप्त गरे । गौतमले ४ हजार ४५६ मतान्तरले ज्ञवालीलाई पराजित गरेका मुख्य निर्वाचन अधिकृतको कार्यालयले जनाएको छ ।

निर्वाचन क्षेत्रमा १ लाख ६२ हजार ६६२ मतदाता रहेकोमा १ लाख ४ हजार ४०२ जनाले मतदान गरेका थिए । यहाँ ६ हजार ४२१ मत बदर भएको थियो ।