नेकपाले टुंग्यायो विभाग नेतृत्व : संगठनमा वामदेव, स्कूलमा ईश्वर पोखरेल

फाइल तश्वीर
साउन ३१, २०७६

काठमाडौं– लामो विवाद र रस्साकस्सीपछि नेपाल कम्युनिस्ट पार्टी (नेकपा) ले केन्द्रीय विभागको नेतृत्व गर्ने नेताहरूको टुंगो लगाएको छ ।

प्रधानमन्त्री निवास बालुवाटारमा  शुक्रवार बसेको सचिवालय बैठकले महत्त्वपूर्ण विभागको नेतृत्व सचिवालय सदस्यहरूले गर्ने गरी जिम्मेवारी टुंगो लगाएको हो ।


ADVERTISEMENT

पार्टीभित्र सबैभन्दा शक्तिशाली मानिने संगठन विभागको नेतृत्व सचिवालय सदस्य वामदेव गौतमले पाएका छन् ।

एकभन्दा बढी नेताको दाबीका कारण निर्णयमा पुग्न कठिन भएको स्कूल विभागको नेतृत्वमा भने अन्तत: ईश्वर पोखरेललाई नै ल्याइएको छ ।

पोखरेलको नाममा चर्चा भएपनि सहमति हुन सकिरहेको थिएन ।

यसका अलावा विदेश विभागको नेतृत्व वरिष्ठ नेता माधवकुमार नेपालले पाउँदा नीति तथा अध्ययन प्रतिष्ठानमा झलनाथ खनाललाई जिम्मेवारी तोकिएको छ ।

प्रचार विभागको जिम्मा नारायणकाजी श्रेष्ठ र अर्थ तथा योजना विभागको जिम्मा सुरेन्द्र पाण्डेले पाएका छन् ।

साउन ३१, २०७६ मा प्रकाशित

ईश्वर अर्याल

पत्रकार अर्याल लोकान्तरका लागि राजनीति, समसामयिक घटनाक्रम र वैदेशिक रोजगारीमा रिपोर्टिङ गर्छन् ।

लेखकबाट थप...

प्रतिक्रिया दिनुहोस