मंसिर ४, २०८०
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
ओम्नी ग्रुपका लागि स्वास्थ्य सामग्री ल्याउन सरकारले चार्टर गरेको नेपाल एयरलाइन्सको जहाजले चैत २० गते २० हजार थर्मल गन पनि ल्याएको प्रहरीले ढिलो सूचना पायो। थाहा पाउँदा ती सामान गायब पारिसकिएका थिए। भन्सारमा हेर्दा सुलभ अग्रवालले ल्याएको खुल्यो। तर, भन्सार तिरिएको थियो १२ सय वटाको मात्र।
यसलाई प्रहरीले ठूलै रहस्य ठान्यो। र, तीव्र अनुसन्धान सुरु गर्यो। नाटकीय क्रेता बनेर सुलभसँग ‘डिल’ गर्यो। बार्गेनिङपछि प्रतिगोटा १५ हजार रुपैयाँमा कुरा मिल्यो। सुलभ आफैं कूटनीतिक प्रयोजनको गाडीमा राखेर सामान पुर्याउन आए। त्यही क्रममा पक्राउ परे।
उनले भन्सारमा यसको प्रतिगोटा मूल्य २ सय अमेरिकी डलर (करिब २३ सय रुपैयाँ) देखाएका छन्। चीनबाट ल्याउँदा पर्ने सरदर मूल्य त्यही हो।
त्यस आधारमा उनले २० हजार वटाको बढीमा ५ करोड रुपैयाँ तिरे। प्रहरी अनुसन्धानले भन्छ– प्रतिगोटा १५ देखि २२ हजारमा बेचे। १५ हजारलाई नै आधारमूल्य मान्ने हो भने पनि बेचेर ३० करोड रुपैयाँ आउँछ। त्यसबाट २५ करोडभन्दा बढी नाफा हुन्छ। प्रहरी स्रोतका अनुसार उनले करिब–करिब त्यो बेचिसकेका छन्।
शंकर ग्रुपका सुलभ अग्रवाल कालोबजारी गर्दागर्दै रंगेहात पक्राउ परेपछि उद्यम क्षेत्रमै हलचल मच्चिएको छ। कोरोना भाइरस (कोभिड १९) मा व्यवसायीले सेवाग्राहीलाई सहयोग गर्नुपर्नेमा उल्टै कालोबजारीमा उत्रिएपछि प्रहरीको ध्यानसमेत उच्च व्यापारिक घरानातिर केन्द्रित भएको छ।
मंगलबार प्रहरीसँग प्रतिगोटा थर्मल गनको १६ हजारमा बार्गेनिङ गरेका अग्रवाल बल्लतल्ल १५ हजारमा मानेका थिए। उनले आफू बस्ने घर बालुवाटारनजिक नक्सालमा ६७ वटा थर्मल गन बिक्री गर्ने डिल गरेपछि प्रहरी टोली उतै पुग्यो। सरकार, प्रशासन, राजनीतिक दल र अन्य उद्यमीसँग राम्रै उठबस गर्ने अग्रवालले आफू प्रहरीको पासोमा पर्छु भन्ने सोचेका थिएनन्। जब प्रहरीले डिल गरेर किन्न पैसा देखाए। तब थर्मल गन हात पर्नेबित्तिकै हामी प्रहरी हौं भनेपछि उनी झल्याँस्स भए। केहीबेर प्रहरी र अग्रवालबीच घम्साघम्सी भयो। अग्रवाल उम्कने कुरै भएन। उनी निरास हुँदै प्रहरी भ्यानमा बसे।
प्रहरीले बरामद गरेको ६७ थान थर्मल गन एक व्यापारीसँग लिएको उनले बयान दिएका छन्। तर, प्रहरीसँगको सुरुको डिलमा भने उनले चीनबाट ल्याएको कुरा चुहाइसकेका थिए। अग्रवालले फ्ल्यास कार्गोबाट ल्याइएको उक्त सामान र ओम्नी समूहले ल्याएको करोडौंको स्वास्थ्य सामग्री एउटै विमानबाट नेपाल झरेको सूचना आएअनुसार अपरेसन थालिएको महानगरीय प्रहरी अपराध महाशाखाका एसपी हृदय थापाले जानकारी दिए।
अग्रवालले प्रहरीलाई थप केही बताउन चाहेका छैनन्। ठूलो परिमाणको थर्मल गन डिल गर्नेदेखि बिक्रीसम्ममा अग्रवाल आफैं अग्रसर भएकाले पनि प्रहरीलाई थप रहस्य खोतल्न हम्मेहम्मे परिसकेको अनुसन्धानमा संलग्न प्रहरी अधिकृतले बताए। ती अधिकृतले भने, ‘अग्रवाल धेरै चलाख देखिए। उनले चीनबाट ल्याएको ठूलो परिमाणको थर्मल गन बिक्रीमा आफैं जाने र व्यापारीसँग डिल गर्ने गरेको देखियो। चेकमा नभएर क्यासमै कारोबार गरेको पनि पाइयो। काठमाडौंमा उनीआबद्ध संस्थामा समेत हाम्रो निगरानी छ।’
प्रहरीले अग्रवालको नक्सालस्थित कार्यालय र बालुवाटारस्थित घरमा छापा मार्दा थर्मल गनको स्टक नभेटिएको महाशाखाका प्रवक्ता एसपी मुकेश सिंहले जानकारी दिए। पक्राउ परेलगत्तै अग्रवालले दुई सय पिस थर्मल गन न्युरोडको एक पसलबाट खरिद गरेको बयान दिएका थिए। तर, प्रहरीले प्रमाणले घेरेसँगै उनी निःशब्द बनेको अनुसन्धानमा संलग्न प्रहरी अधिकृतले बताए। ती अधिकृतका अनुसार अग्रवालले छिट्टै करोडौं कमाउने योजनाअनुसार सेटिङमा सामान नेपाल ल्याएको देखिन्छ। तर, अन्य सामान फेला पार्न नसक्दा अनुसन्धानमा थप सकस परेको उनले बताए।
एसपी सिंहले भने, ‘तत्काल बरामद सामान र अन्य प्रमाणका आधारमा कालोबजारी ऐनअन्तर्गत म्याद थप गरेका छौं। बाँकी खोज्दै जान्छौं।’ उनका अनुसार अग्रवालको कल डिटेल हेरेपछि अनुसन्धान फराकिलो हुन सक्छ। मंगलबार पक्राउ परेका अग्रवालले कालोबजारी गर्न प्रयोग गरेको कूटनीतिक गाडी कुन–कुन स्थानमा पुगेको सम्बन्धमा समेत प्रहरीले सीसीटीभी मनिटरिङ गर्ने भएको छ।
प्रहरी अपरेसनका बेला पनि अग्रवालले सुरुमा दरबारमार्ग बोलाए। दरबारमार्ग पुगेपछि हात्तीसार हुँदै नक्सालस्थित बालमन्दिरमा बोलाएर मात्रै १० लाख रुपैयाँ बुझेर थर्मल गन प्रहरीलाई दिएका थिए। प्रहरी अधिकारीका अनुसार अग्रवालले आफ्ना परिवारलाई समेत थाहै नदिई यो कारोबार गरेको पाइएको छ। उनी महानगरीय प्रहरी वृत्त दरबारमार्गको हिरासतमा छन्।
कालोबजारी तथा केही अन्य सामाजिक अपराध सजाय ऐन २०३२ अनुसार बजारमा कृत्रिम अभाव सिर्जना गरी कुनै वस्तु वा सामानको तोकिएभन्दा बढी मूल्य लिएर बिक्री–वितरण गरे त्यस्तो कसुर गर्नेलाई एक वर्ष कैद वा दुई लाख ५० हजार जरिवाना वा दुवै सजाय हुन्छ। अन्नपूर्ण पोस्टमा खबर छ ।
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
चालुु आर्थिक वर्ष २०८०/८१ मा नेपाली श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...