अमेरिकाले कोरोना भाइरस रोकथामका लागि फेरि राहत प्याकेज ल्याउने भएको छ। त्यसका लागि संसदको तत्लो सदन हाउस अफ रिप्रेजेन्टेटिव्समा सांसदहरु ४ सय ८४ अर्ब डलरको नयाँ राहत प्याकेजमा बहसपछि मतदान गर्नेछन्।

यसको उद्देश्य हो, साना व्यावसायीलाई ऋण दिने र अस्पताल, कोरोना भाइरसको परीक्षणका लागि बजेट उपलब्ध गराउने।

बीबीसीका अनुसार यो प्याकेजमा यस्तो समयमा चर्चा भइरहेको छ, जतिखेर  अमेरिकामा बेरोजगारी भत्ताका लागि आवेदन गर्नेको संख्या २ करोड ६४ लाख पुगिसकेको छ।

अमेरिकामा कोरोना संक्रमितको संख्या ८ लाख ४० पुगिसकेको छ, ४७ हजारको ज्यान गइसकेको छ।