नेकपा एमालेले माधवकुमार नेपालसहित १४ सांसदलाई गरेको कारवाही सदर हुनुपर्ने मागदाबी गर्दै सर्वाेच्च अदालतमा दायर गरेको रिट ‘हेर्न नभ्याइने’ भएको छ ।

न्यायाधीशहरू दीपक कार्की र मीरा खड्काको संयुक्त इजलासमा पेशी तोकिएको रिट सोमवार हेर्न नभ्याइने भएको हो ।

पार्टीले कारवाही गरेका १४ सांसदलाई पदमुक्त नगरिएको भन्दै एमालेले सभामुख अग्निप्रसाद सापकोटा र निर्वाचन आयोगलाई समेत विपक्षी बनाएर सर्वाेच्चमा रिट दायर गरेको छ ।

एमालेले कारवाही गरेका १४ सांसदले नेकपा एकीकृत समाजवादी पार्टी दर्ता गरिसकेका छन् ।