२२ असार २०८३, सोमबार
भारतको विपक्षी दल कांग्रेसका नेता मणिशंकर अय्यरले मोदी सरकारको परराष्ट्रनीतिको आलोचना गरेका छन् ।
सन् २०१४ पछि रुससँग भारतको सम्बन्धमा चोट पुगेको अय्यरले बताए । विगत सात वर्षमा भारत अमेरिकाको गुलाम बनेको अनि चीनबाट बचाउन अमेरिकालाई गुहारिरहेको अय्यरको भनाइ छ ।
इन्डो रसिया फ्रेन्डशिप सोसाइटीको एक कार्यक्रममा भाग लिन पुगेका अय्यरले सन् २०१४ पछि भारतको परराष्ट्रनीति बदलिएको बताए । उनले भने, ‘विगत सात वर्षमा असंलग्नताको कुरै सुनिन छोडेको छ । शान्तिको पनि कुरा हुँदैन ।’
भारत र रुसको सम्बन्धको बदलिँदो समीकरणका विषयमा पनि पूर्वमन्त्री अय्यरले धारणा राखे । प्रधानमन्त्री नरेन्द्र मोदीको कार्यकालमा रुससँग भारतको सम्बन्ध चिसिएको उनको भनाइ छ । भारतलाई कठिन समयमा साथ दिएको रुससँग भारतले सम्बन्ध सुधानुपर्ने उनले बताए ।
