भारत सरकारले विक्रम मिसरीलाई राष्ट्रिय सुरक्षा सल्लाहकार नियुक्त गरेको छ । 

मिसरीले चीनलाई राम्रोसँग बुझ्ने बताइएको छ । उनले यसअघि उनी चीनका लागि भारतका राजदूत थिए । 

श्रीनगरमा जन्मेको हुनाले मिसरीले कश्मीरको मुद्दालाई मसिनो गरी बुझेको पनि बताइन्छ । 

उनलाई राष्ट्रिय सुरक्षा परिषद् सचिवालयमा तैनाथ गरिएको छ । उनले राष्ट्रिय सुरक्षा सल्लाहकार अजित डोभाललाई रिपोर्टिङ गर्नेछन् । 

चीन र पाकिस्तान दुवै मोर्चामा चुनौती बेहोरिरहेको भारत सरकारलाई रणनीतिक दिशा देखाउनका लागि मिसरीलाई नियुक्ति गरिएको हो । 

मिसरी सन् १९८९ ब्याचका आईएफएस अधिकारी हुन् । उनले इन्द्र कुमार गुजराल, मनमोहन सिंह र नरेन्द्र मोदीको निजी सचिवका रूपमा काम गरिसकेका छन् । स्पेन र म्यान्मारमा उनले राजदूतको भूमिका निर्वाह गरिसकेका छन् ।