कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
माघ १६, २०७८
महानगरीय प्रहरी अपराध महाशाखाले २९६ कार्टुन रक्सीसहित ४ जनालाई पक्राउ गरेको छ ।
महाशाखाले पर्साका ३९ वर्षीय सन्तोषचन्द्र बख्रेल, काठमाडौंको कागेश्वरी मनोहरा नगरपालिका ६ का ३० वर्षीय शैलेश पन्त, पर्सा सुवर्णपुरका २८ वर्षीय रविन पाख्रिन र सर्लाही बरहथवा नगरपालिकाका ३८ वर्षीय नारायणप्रसाद घिमिरेलाई पक्राउ गरेको हो ।
उनीहरूले आन्तरिक राजश्वको अन्त:शुल्क नटाँसिएको अर्थात् राजश्व छली गरेको रक्सी बजारमा बिक्री गर्दै आएको सूचनाका आधारमा पक्राउ गरिएको महाशाखाका प्रवक्ता एसपी कृष्ण कोइरालाले जानकारी दिए ।
प्रहरीले रेड लेबल, ब्ल्याक लेबल, एब्सुलेट भोड्का र चिभास रेगल बरामद गरेको छ । प्रहरीले बरामद गरेका रक्सीहरू नक्कली हो कि होइन भन्नका लागि नापतौल तथा गुणस्तर विभागमा पठाएको र बरामद भएको रक्सी आन्तरिक राजस्व कार्यलयमा बुझाउन तयारी गरेको महाशाखाका प्रवक्ता एसपी कोइरालाले बताए ।
‘हामीले सक्कली र नक्कली परीक्षणका लागि गुणस्तर विभाग र अन्त:शुल्कका बारेमा आन्तरिक राजस्व विभागलाई बुझाएका छौं,’ एसपी कोइरालाले भने, ‘थप अनुसन्धान अब आन्तरिक राजस्वले गर्नेछ ।’
कसरी बरामद भयो २९६ कार्टुन रक्सी ?
महानगरीय अपराध महाशाखालाई एकजना ग्राहकले रेड लेबल रक्सी किन्दा अन्त:शुल्क नटाँसिएको पाइएको भन्दै सूचना दिए ।
पुरानो बानेश्वरको एउटा पसलमा रेड लेबल रक्सी किन्न जाँदा अन्त:शुल्क नटाँसेको पाएको भन्दै उनले प्रहरीलाई खबर गरेका थिए ।
महाशाखाको टोली त्यहाँ गएर बुझ्दा खुद्रा व्यापारी (लिक्योर सप)ले ब्ल्याक लेबल, एब्सुलेट भोड्का लगायतका रक्सीमा पनि अन्त:शुल्क नटाँसेर आउने बताए ।
त्यसपछि प्रहरीले ती व्यापारीको सहयोगमा उनले कहाँबाट ल्याउँछन् भन्ने खोज्न थाल्यो ।
त्यसक्रममा नारायणप्रसाद घिमिरेको पसलबाट ल्याउने गरेको खुलेपछि प्रहरीले नेपालमा कतै नक्कली उत्पादन हुने आशंकामा उनीहरूको नेक्सस खोज्न थाल्यो ।
विवाहको समय भएकाले रेड लेबल, ब्ल्याक लेबल लगायतका १४ कार्टुन रक्सी चाहिएको भनेर ग्राहक बनेर प्रहरीले नै अर्डर दियो । अग्रिम भुक्तानी पनि दियो ।
प्रहरीले नारायणले कहाँबाट रक्सी ल्याउँदा रहेछन् भन्ने निगरानी गर्न थाल्यो । उनले काठमाडौंको सीतापाइलामा रहेको एउटा गोदामबाट रक्सी ल्याएको प्रमाण संकलन गर्यो ।
उनले रक्सी ल्याएपछि धेरै दिन राख्न नमिल्ने बताए । किन नमिल्ने भन्ने प्रश्न गर्दा सस्तोमा पाइने र अन्त:शुल्क नटाँसिएको बताए ।
प्रहरीले उनलाई तत्काल पक्राउ गर्यो । त्यसपछि उनले सामान ल्याउने गरेको गोदाम रविन पाख्रिनको भएको खुल्यो ।
प्रहरीले देशभर कहाँ–कहाँ उनीहरूको नेक्सस छ भन्ने पत्ता लगाउन त्यो सबैकुरा गोप्य राख्यो । उनीहरूमार्फत सन्तोषचन्द्र बख्रेल मुख्य व्यक्ति भएको खुल्यो ।
प्रहरीले उनी कहाँ जान्छन् ? के गर्छन् ? भनेर ३ दिन निगरानी गर्यो । उनी तेस्रो दिन घरबाट निस्किएर सिधै रविन पाख्रिनको गोदाम अनि रिटेल पसलमा जाने क्रममा पक्राउ परे ।
उनीमार्फत अर्का व्यक्ति शैलेश पन्तसँग पनि गोदाम भएको खुल्यो । उनीहरू सबै जनाको घर र गोदामबाट अन्त:शुल्क नटाँसिएको नक्कली २९६ कार्टुन बरामद गर्यो ।
प्रहरीको प्रारम्भिक अनुसन्धानमा नेपालमा यस कारोवारका मुख्य व्यक्ति सन्तोषचन्द्र बख्रेल हुन् भन्ने पत्ता लागेको महाशाखाका प्रवक्ता एसपी कृष्ण कोइरालाले बताए ।
‘नेपालमा मुख्य व्यक्ति बख्रेल हुन् भन्ने खुलेको छ । उनले भारतका रवि सिंह भन्ने व्यक्तिबाट लिएको प्रारम्भिक बयान दिएका छन्,’ एसपी कोइरालाले भने, ‘हामीले थप अनुसन्धान गरिरहेका छौं ।’
प्रहरीले रवि सिंह को हुन् ? भन्ने विषय बख्रेल नखोलेकाले त्यसबाट थप अनुसन्धान गरिरहेको बताएको छ ।
उनले भारतमा बोट्लिङ गरेर नेपाल ल्याउने गरेको खुलाएका छन् । कसरी नेपाल आउँथ्यो ? कसरी भुक्तानी हुन्थ्यो भन्ने विषयमा भने प्रहरीले खुलाएको छैन ।
‘भुक्तानी र ल्याउने विषयमा थप अनुसन्धान आन्तरिक राजस्व विभागले गर्ने हो । त्यहाँबाट अरू कुरा खुल्ला,’ एसपी कोइरालाले भने ।
उनीहरूले पार्टी प्यालेसलाई लक्षित गरेर रक्सी बिक्री गर्दै आएको अनुसन्धानमा खुलेको प्रहरीले जनाएको छ ।
प्रहरीका अनुसार उनीहरूले ड्युटी फ्रीबाट आएकाले अन्त:शुल्क नभएको भन्दै बिक्री गर्दै आएका थिए ।
लागूऔषधका फरार अभियुक्त, हुण्डीमा पनि संलग्न थिए बख्रेल
नक्कली रक्सी प्रकरणमा पक्राउ परेका सन्तोषचन्द्र बख्रेल लागूऔषध डाइजापामको ट्याब्लेट कारोवारमा पनि संलग्न रहेको खुलेको छ ।
उनी यसअगाडि २ लाख ट्याबलेट लागूऔषध कारोवार गरेको अभियोगमा सजाय भुक्तान गरेर छुटेका व्यक्ति हुन् ।
मुख्य अभियुक्त बख्रेलले काठमाडौंको दरबारमार्गमा भारतीय नायक सलमान खानको ब्रान्डिङ कपडा बिइङ ह्युमनको पसल समेत सञ्चालन गर्दै आएका छन् ।
प्रहरीले मंसिर १९ गते उनकै पसलबाट हुण्डी कारोवारको आशंकामा छापा मार्दा स्रोत नखुलेको ६९ लाख ५० हजार रुपैयाँसहित पक्राउ गरेको थियो ।
प्रहरीले त्यो समयमा १ हजार दरका ४९ लाख र ५ सय दरका २० लाख ५० हजार रुपैयाँ बरामद गरेको महानगरीय प्रहरी परिसर काठमाडौंले जनाएको थियो ।
प्रहरीका अनुसार उनले त्यो समयमा जग्गा बिक्री गरेको भन्दै पहुँचका आधारमा पैसा फिर्ता लिएका थिए ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...