सिरोहिया पक्राउमा गृहमन्त्री लामिछानेको प्रतिशोधको आरोप लागेपछि बोल्यो रास्वपा

सत्तारूढ राष्ट्रिय स्वतन्त्र पार्टी (रास्वपा)ले लोकतान्त्रिक मूल्य र मान्यताप्रति  कटिबद्ध रहेको स्पष्ट पारेको छ । कान्तिपुर मिडिया ग्रुपका अध्यक्ष कैलाश शिरोहियालाई प्रतिशोध राखेर पक्राउ गरिएको भन्दै आलोचना भइरहेका बेला रास्वपाले यसबारे मुख खोलेको हो ।

रास्वपा सभापति रवि लामिछाने अहिले उपप्रधान तथा गृहमन्त्री छन् । कान्तिपुरले लामिछानेसमेत जोडिएको सहकारी ठगीको समाचार प्रकाशित गरिरहेका बेला प्रहरीले मंगलबार सिरोहियालाई पक्राउ गरेको थियो । रविले प्रतिशोध राखेर उनलाई पक्राउ गर्न दबाब दिएको आरोप लागेको छ । 

तर, रास्वपाले भने धनुषा जिल्ला अदालतको अनुमति लिएर किर्ते नागरिकताको गम्भीर अभियोगबारे अनुसन्धान गर्न प्रहरीले सिरोहियालाई पक्राउ गरिएको तथ्य जानकारीमा आएको जनाएको छ ।

पार्टीका प्रवक्ता तथा महामन्त्री डा. मुकुल ढकालले बुधबार बिहान विज्ञप्ति जारी गर्दै जो जतिसुकै शक्तिशाली भए पनि कानुनको पालना सबैले गर्नै पर्छ भन्ने मान्यता स्थापित हुनु लोकतन्त्रको जीत भएको बताएका छन् ।

यस्तो छ विज्ञप्ति