बाग्मती प्रदेशमा बढ्यो सार्वजनिक बस भाडा

उपत्यकासहित   बागमती   प्रदेशमा    सार्वजनिक    यातायातको    भाडादर  वृद्धि  भएको  छ  ।  

बागमती  प्रदेश  सरकार  श्रम,  रोजगार  तथा  यातायात    व्यवस्था    मन्त्रालयले    यात्रुवाहक  सार्वजनिक  यातायातमा  १०  प्रतिशत  र  मालवाहकमा  १३  प्रतिशतसम्म  भाडादर  वृद्धि  गरेको  छ  ।  

वृद्धि  भएको  भाडादर  आगामी  वैशाख १ गतेदेखि लागू हुनेछ ।

नयाँ  भाडादरअनुसार  पाँच  किलोमिटर  दूरीको  भाडादर  २०  रुपियाँ  कायम  भएको  छ  ।  

त्यस्तै  १०  किलोमिटरको  २५  रुपियाँ,  १५  किलोमिटरको  ३०  रुपियाँ,  २०  किलोमिटरसम्मको ३३ रुपियाँ र २० किलोमिटरभन्दा  माथि  ३८  रुपियाँ  कायम भएको छ ।

सरकारले ट्याक्सीको पनि भाडा समायोजन गरेको छ ।

ट्याक्सीमा शुरू फ्लाग डाउन ५० रुपियाँ कायम भएको छ  ।  प्रतिदुई  सय  मिटरको  भाडा  १०  रुपियाँ  कायम  गरिएको  छ  ।  

प्रतीक्षा  शुल्क प्रतिमिनेट एक रुपियाँ २० पैसा तोकिएको छ । बढीमा ३० मिनेटसम्म प्रतीक्षा  गर्न  पाइने  छ  ।  रात्रिकालीन  ट्याक्सीका  लागि  फ्लाग  डाउन  ५०  रुपियाँ  यथावत्  राखी  प्रतिदुई  सय  मिटरको १५ रुपियाँ कायम गरिएको छ । गोरखापत्र दैनिकमा खबर छ ।