पछिल्लो २४ घन्टामा मुलुकभर १७ जनामा कोरोना संक्रमण पुष्टि भएको छ ।

बिहीवार ३ हजार ८ सय ११ जनाको नमूना परीक्षण गर्दा १७ जनामा कोरोना संक्रमण पाइएको स्वास्थ्य तथा जनसंख्या मन्त्रालयले जानकारी दिएको छ ।

यससँगै हालसम्म मुलुकभर पीसीआर परीक्षणमार्फत ९ लाख ७८ हजार ८९९ जनामा र एन्टीजेन परीक्षणमार्फत १ लाख ४० हजार १९८ जनामा कोरोना संक्रमण भएको पुष्टि भएको छ ।

बिहीवार मात्रै १५ संक्रमित निको भएका छन् । 

यससँगै हालसम्म ९ लाख ६६ हजार ७३० जना निको भएका छन् ।

बिहीवार मृतकको संख्या शून्य छ । हालसम्म मुलुकभर ११ हजार ९५२ जना संक्रमितको मृत्यु भएको मन्त्रालयले जनाएको छ ।

हाल मुलुकभर २ सय १७ जना सक्रिय संक्रमित रहेका छन् ।