बाँकेको कोहलपुरस्थित इलाका प्रहरी कार्यालयमा कार्यरत प्रहरी सहायक निरीक्षक (असई) प्रविण चौलागाईविरुद्ध बलात्कार मुद्दा दर्ता भएको छ । 

हिरासतमा रहेकी महिलामाथि यौन दुव्र्यवहार गरेको आरोपमा पक्राउ परेका उनीविरुद्ध शनिवार जबरजस्ती करणी मुद्दा दर्ता भएको हो । 

जिल्ला प्रहरी कार्यालय बाँकेले असई चौलागाईलाई हिरासतमा लिएर विभागीय कारबाही प्रक्रिया शुरू गरेको जनाएको छ । बाँकेका प्रहरी प्रवक्ता मधुसुदन न्यौपानेले शनिवार जबरजस्ती करणीको मुद्दा दर्ता भएको र अनुसन्धान शुरू भएको जानकारी दिए ।