राष्ट्रपति विद्यादेवी भण्डारीले सर्वसाधरणलाई दशैंको टीका लगाइदिने भएकी छन् । विश्वव्यापी फैलिएको कोरोना भाइरसको महामारीका समयमा बन्द गरिएको टीका लगाउने कार्यक्रम यसवर्ष भने सुचारु हुने भएको छ । 

राष्ट्रपति कार्यालय शीतल निवासले सर्वसाधरणलाई टीका लगाइदिने समय सार्वजनिक गरेको छ । बिहीवार एक विज्ञप्तिमार्फत टीका लगाउने कार्यक्रमको समय तालिका सार्वजनिक गरिएको हो । जसअनुसार राष्ट्रपति भण्डारीसँग सर्वसाधरणले असोज १९ गते दिउँसो ३ बजेदेखि ५ बजेसम्म टीका ग्रहण गर्नसक्नेछन् । 

प्रधानमन्त्री, प्रधानन्यायाधीश, सभामुख, मन्त्रीहरू, न्याययाधीशहरू संघीय संसद्का सदस्यहरू, संवैधानिक निकायका पदाधिकारी तथा विशिष्ट व्यक्तित्वका लागि दिउँसो २ देखि ३ बजेसम्मको समय निर्धारण गरिएको छ ।