आइतवार फूटबल विश्वकपको एक खेलमा बेल्जियम मोरक्कोसँग हारेपछि युरोपका विभिन्न शहरमा दंगा भड्किएको छ । 

बेल्जियमको राजधानी ब्रसेल्सका साथै एन्टवर्प, एम्स्टर्ड्याम र रोटरड्याममा दंगा प्रहरी र फूटबल प्रशंसकहरूबीच भिडन्त भएको हो । 

ब्रसेल्समा सुरक्षाकर्मीहरूले अश्रूग्यास र पानीको फोहरा फ्याँकेर भीडलाई तितरबितर पारेका थिए । 

सामाजिक सञ्जालमा आएका भिडियोहरूमा भीडले कार र स्कूटरहरूमा आक्रमण गरेको देखिन्छ । 

दंगा प्रहरीले शहरको मध्यभागमा रहेका विभिन्न स्थानलाई सीलबन्दी गरेका थिए । 

ब्रसेल्समा १२ जना पक्राउ परेका छन् भने एन्टवर्पमा आठजनालाई प्रहरीले नियन्त्रणमा लिएको छ । 

छिमेकी मुलुक नेदरल्यान्ड्समा अनियन्त्रित भीडलाई नियन्त्रणमा लिनका लागि दंगा प्रहरी खटाइएको थियो । रोटरड्याममा अशान्ति मच्चिँदा दुई प्रहरी घाइते भएका थिए । 
 

Brussels tonight. After World Cup game pic.twitter.com/63HwcHAIVB

— Amichai Stein (@AmichaiStein1) November 27, 2022