दोलखामा सत्ता गठबन्धनका साझा उम्मेदवार नेकपा माओवादी केन्द्रका गंगा कार्कीले अग्रता लिएका छन् । मतगणनाको शुरुआतमा अग्रता लिएका कार्की यसअघि सार्वजनिक भएको मत परिणामसम्म पछाडि परेका थिए । पछिल्लो मत परिणाममा भने कार्कीले नेकपा एमालेका बालकृष्ण शिवाकोटीलाई उछिन्दै २६९ मतको अग्रता कायम गरेका हुन् ।

पछिल्लो मत परिणाममा माओवादीका कार्कीले २१ हजार ४१२ मत प्राप्त गरेका छन् । एमालेका शिवाकोटीले २१ हजार १४३ मत पाएका छन् । तेस्रो स्थानमा रहेका राष्ट्रिय स्वतन्त्र पार्टीका जगदीश खरेलले २ हजार २४४ मत पाएका छन् ।