संस्कृति पर्यटन तथा नागरिक उड्डयनमन्त्री सुदन किराँतीले पोखरा अन्तर्राष्ट्रिय विमानस्थबाट छिमेकी देशहरुमा उडान गर्नका लागि कुटनीतिक तवरबाट पहल भैरहेको बताएका छन् । 
पोखरा विमानस्थलमा बिहिबार प्रेस सेन्टर नेपाल गण्डकी प्रदेश समितिले आयोजना गरेको पत्रकार भेटघाटमा उनले पोखरासँग भगिनी सम्वन्ध कायम भएका चीनका विभिन्न शहर सहित भारतका कोलकोत्ता सहितका शहरहरुमा सिधा उडानका लागि मन्त्रालयले छलफल गरिरहेको बताए । 
गत पुस १७ गते भव्य उद्घाटन भएको पोखरा अन्तर्राष्ट्रिय विमानस्थलबाट हाल आन्तरिक उडान मात्र भएका बताउदै मन्त्री किराँतीले पर्यटन व्यसायीको छिटो अन्तर्राष्ट्रिय उडान सुरु गर्न माग गरिएको माग चाडै पुरा हुने बताए । 
नागरिक उड्डयन प्राधिकरणलाई पोखरा विमानस्थल कसरी चलाउन सकिन्छ भनेर कार्ययोजना ल्याउन आफूले निर्देशन दिएको मन्त्री किरातीको भनाइ थियो ।
नेपालका सबै विमानस्थलहरु दैनिक कम्तिमा १५ घण्टा चल्ने व्यावसायिक कार्यक्रम आवश्यक रहेकाले मन्त्रालयका कर्मचारीहरुलाई विजेनश प्लान ल्याउन आग्रह गरेको जानकारी दिए । 

पर्यटनमन्त्री किँरातीले पोखरामा गत माघ १ गते भएको विमान दुर्घटनापछि मनोवैज्ञानिक आतङ्क रहेकाले त्यसलाई न्यूनीकरण गर्नु आवश्यक रहेकाले आफू सोही कम्पनीको जहाज चढेर पोखरा आएको बताए ।
जुन एयरलाइन्सको विमान दर्घुटना भयो त्यही कम्पनीको जहाज चढेर भयभित मनोविज्ञानलाई सम्वोधन गरेको उनको भनाई थियो । 
विमान दुर्घटनाको छानविनका लागि सरकारले गठन गरेको छानविन समितिले दुर्घटनाको प्रारम्भिक प्रतिवेदन तयार गरी हिजो मात्र बुझाएकाले सम्र्पूण प्रतिवेदन प्राप्त भएपछि घटनाको यथार्थ विवरण बाहिर ल्याइने मन्त्री किराँतीले जानकारी दिए ।  य