प्रतिनिधि सभाका रिक्त ३ स्थानका लागि आइतबार बिहान ७ बजेदेखि मतदान जारी रहेको छ । बारा २, चितवन २ र तनहुँ १ मा मतदान भइरहेको छ । बिहान ७ बजे शुरू भएको मतदान साँझ ५ बजेसम्म चल्नेछ । 
मतदान शान्तिपूर्णरुपमा चलिरहेको सम्बन्धित निर्वाचन अधिकृतको कार्यालयले जानकारी गराएका छन् । 

चितवन २ मा राष्ट्रिय स्वतन्त्र पार्टीका सभापति रवि लामिछानेको नागरिकता कायम नरहेको भन्दै बदर भएपछि  उपनिर्वाचन भएको हो ।

यसैगरी मंसिर ४ गतेको चुनावमा कांग्रेसबाट विजयी रामचन्द्र पौडेल राष्ट्रपति निर्वाचित भएपछि रिक्त बनेको तनहुँ १ मा उपनिर्वाचन भएको हो भने रामसहायप्रसाद यादव उपराष्ट्रपति निर्वाचित भएपछि रिक्त रहेको बारा २ मा पनि उपनिर्वाचन भएको हो । 
तस्बिरमा तीनै क्षेत्रको उपनिर्वाचनको माहोल हेर्नुहोस्