नेपाली कांग्रेसका केन्द्रीय सदस्य मधु आचार्यले पार्टीभित्र विभिन्न समस्या बढ्दै गएकाले यसको समाधान पार्टीको विशेष महाधिवेशन हुनुपर्ने बताएका छन् ।  

रामेछापको मन्थलीमा आयोजित नेपाली कांग्रेस रूपान्तरण अभियानको कार्यक्रममा उनले पार्टीको बैठक नबसेको पनि ११ महिना भएकाले पार्टीभित्र देखिएको समस्याका बारेमा सुझाव दिन नपाएको बताए । उनले पार्टी सुधारका लागि दबाब दिन र गाउँगाउँका कार्यकर्ताहरूको मनोबाल उच्च राख्न यो अभियान सञ्चालन गरिएको बताए । 

बागमती प्रदेश प्रतिनिधि जगदीश नरसिंह केसीले भूटानी शरणार्थी प्रकरणमा मुछिएका सबैलाई पार्टीले कारबाही गर्नुपर्ने बताए । उनले पार्टीले आफ्ना र आफन्त नभनी आपराधिक क्रियाकलाप गर्ने जो सुकैलाई पनि कारबाहीको दायरामा ल्याउनुपर्ने बताए ।