×

NMB BANK
NIC ASIA

पुस्तक चर्चा

रुँदारुदै हाँसेको ‘जीवन्त सम्बन्ध’

काठमाडाैं | असोज १०, २०८०

NTC
तस्वीरमा डा. ओममूर्ति अनिल र लेखक ढकाल
Premier Steels
  • गुणराज ढकाल

सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गरी निष्कर्षमा पुग्ने हाम्रो बानी छैन । म पनि यही समूहभित्र पर्छु । मोबाइलमा फेसबूक खोल्यो, हेर्‍यो, ए यस्तो भएछ भन्यो, छाड्यो । यस्तो स्वभाव मेरो मात्रै होइन, अधिकांश व्यक्तिको रहेको पाउँछु । यद्यपि, फेसबूकमा आएका कुनै विषयमा विशेष रुचि भयो भने मात्रै गहिराइसम्म पुग्न सोधखोज गर्ने र सन्दर्भ सामग्रीको अध्ययन गर्ने मेरो बानी छ । 

Muktinath Bank

फेसबूकमा आएको एउटा प्रसंगलाई मैले केही दिनदेखि सूक्ष्म ढंगले निगरानीमा राख्दै आएको थिएँ । मुटुरोग विशेषज्ञ डा. ओम मूर्ति अनिलले आफ्नो सामाजिक सञ्जालमा किताबको संक्षिप्त विषयवस्तु दिँदै नाम सुझाउन आग्रह गर्नुभएको थियो । त्यहाँ हजारौं प्रतिक्रिया आएका छन् । अरूको प्रतिक्रिया पढेपछि मलाई पनि केही लेखौं–लेखौंजस्तो लागेको थियो । मैले लेख्न बिर्सिएँ वा लेखेको छु, त्यो मलाई याद छैन । तथापि, डा. ओम मूर्ति अनिलको किताब आउँदैछ, त्यो मैले अवश्य पढ्नेछु भन्ने कुराले भने मेरो मष्तिष्कमा जरा गाडेको थियो ।


Advertisment
RMC TANSEN
IME BANK INNEWS
shivam ISLAND

डा. ओम मूर्ति अनिलले जनस्वास्थ्यका विषयमा सामाजिक सञ्जालमार्फत सचेतना जगाउँदै आएको कुरा मलाई अत्यन्तै मनपर्छ । सकभर उहाँका हरेक पोस्टलाई हेर्ने, पढ्ने र मनन गर्ने मेरो प्रयत्न रहन्छ । कतिपय कुरा उहाँले भनेजस्तै गरी मैले मेरो जीवनमा अवलम्बन पनि गर्ने गर्छु, जसका कारण मेरो स्वास्थ्यमा विगतको भन्दा राम्रो अनुभूति भएको मलाई लाग्छ । मानिसलाई ‘कन्भिन्स’गर्न सक्ने र मानिसले खोजेको कुरा प्रस्टरूपमा प्रस्तुत गर्ने उहाँको क्षमताको म  प्रशंसक नै हुँ । शायद, त्यही भएर नै होला सामाजिक सञ्जालमा मजस्ता उहाँका लाखौं प्रशंसक छन् ।


Advertisment
Nabil box
Kumari

प्रसंग फेरि किताबकै असोज ५ गते शुक्रबार उहाँको बसुन्धरामा ‘जीवन्त सम्बन्ध’नामक किताब विमोचन हुँदै गरेको खबर पाएँ । म अफिसको कामले काठमाडौंबाट पोखरा जाने तयारीमा थिएँ । उहाँको किताबप्रति मेरो कौतुहलताका कारण गाडी मोडेर बसुन्धरास्थित कार्यक्रमस्थलमा पुगें । त्यहाँबाट किताब किनेर त्यतैबाट साँझपख म पोखरातिर लागें ।

Vianet communication

 झम–झम परेको पानी परिरहेको थियो । बाटो मर्मत गरिने भएकाले मुग्लिङमा राति बाटो बन्द रहेछ । त्यसैले राति नै पोखरा पुग्ने मेरो योजना असफल भयो । धार्केमै  लामो जाममा परियो । होटलमा गएर खाजा खाएर फर्किएपछि गाडीमा आएर पल्टिएँ । मोबाइल चलाउँदै थिएँ । फ्याट्ट डा. ओम मूर्ति अनिलको किताब विमोचनको भिडियो आयो । अनि झल्याँस्स सम्झिएँ, झोलामा यो किताब छ नि ! पढ्नुपर्‍यो भनेर किताब झिकें । 

किताब पढ्न थालेको शुरूकै च्याप्टरले मेरो ध्यान खिच्न थाल्यो । तर, बीच–बीचमा फेसबूकको ‘नोटिफिकेसन’र फोनले डिस्टर्ब गर्‍यो । अनि मैले घरमा म जाममा परेको र बिहान मात्रै सम्पर्क गर्ने खबर गर्दै मोबाइल स्वीच अफ गरें । त्यसपछि मात्रै ढुक्कसँग किताब पढ्न थालें ।

किताबले मलाई यसरी बाँधेर राख्यो कि रात बितेको पत्तै भएन । किताब पढ्दै गर्दा कयौं पटक–पटक मेरा आँखाबाट आँसु खस्यो । सँगैको साथीले मध्यरातमा म रोएको थाहा पाउला भएर हत्तपत्त आँसु पुछ्दै पढें । किताबमा लेखकले म पात्रमार्फत प्रस्तुत गरेको विम्बले मलाई असाध्यै छोयो । किताबको म पात्र आफू नै भएको अनुभूति हुन थाल्यो ।

कार्यव्यस्तता र मेरो कामको प्रकृतिका कारण प्रायः परिवारभन्दा टाढा रहने दैनिकी छ । यो किताब पढिसकेपछि मैले मेरो दैनिकी, काम गर्ने शैली पारिवारिक सम्बन्ध, आमाबुबाप्रतिको मेरो व्यवहार, सफलता प्राप्तिका निम्ति मेरो दौडधूप आदि विषयलाई मैले गहिरिएर सोच्न बाध्य बनाएको छ ।

हामीले दैनिकरूपमा देख्दै, भोग्दै आए पनि अहिलेसम्म नजरअन्दाज गरेका विषयलाई डा. ओम मूर्ति अनिलले पुस्तकमा मिहिन ढंगले केलाउनुभएको छ । हुन त किताबमा उहाँले आफ्नो प्रसंग भन्नुभएको छ, तर ती विषय हरेक नेपालीको घर-घरको कथा हो । ५३ वटा खण्डमध्ये झण्डै ३५ वटा खण्ड मेरो जीवनसँग मेल खान्छन् ।

किताबमा घटनाक्रम र प्रस्तुतिलाई मिलाएर राखिएको छ । एउटा खण्ड सकिएपछि अर्को खण्डमा के होला भन्ने कौतुहलता किताबले जगाउँछ । शुरूका खण्डदेखि नै पाठकलाई रुवाउने डा. ओम मूर्ति अनिलले किताबको अन्त्यतिर जोडेको आफ्नो प्रेम प्रसंगमार्फत पाठकलाई मुस्कुराउन बाध्य पारेका छन् । अर्थात् किताबले ‘ह्याप्पी इन्डिङ’को प्रयास गरेको छ । यो सकारात्मक पक्ष हो । किताब हाम्रा युवापुस्ता र आजका युवाका लागि आवश्यक छ । तर, उनीहरूले यो पुस्तक कति पढ्छन् भन्ने कुरा लेखकका निम्ति चुनौतीपूर्ण रहेको मैले देख्छु ।

नयाँ पुस्ताले पढ्ने बनाउनका निम्ति उनीहरूकै भाषा अर्थात अंग्रेजीमा रूपान्तरण गर्न जरुरी छ । शहरी युवालाई मात्रै होइन विदेश भासिएका र परिबन्दले विदेशिनु परेका युवालाई बलियो पारिवारिक सम्बन्धका लागि पनि पुस्तक पढाउन जरुरी रहेको मैले देख्छु ।

लेखकलाई शुभकामना !​

(लेखक नवीकरणीय ऊर्जा परिसंघ नेपालका अध्यक्ष हुन् ।)

hAMROPATRO BELOW NEWS
TATA Below
कात्तिक ८, २०८०

पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...

बैशाख २९, २०८१

केही सयमअघिको कुरा हो । तिनताका गोपाल एक प्रतिष्ठित छापामा सम्पादकीय नेतृत्वमा थियो । प्रातःकालीन भ्रमण उसको दैनिकीमा पथ्र्यो । प्रत्येक दिन बिहान एकाध घण्टा घुम्थ्यो र खाना खाएर अफिस जाने गर्थ्यो । यसो गर्नुका दु...

बैशाख ४, २०८१

गजलकार एवं गीतकार प्रकट पंगेनी ‘शिव’को निधन भएको छ । जन्डिस र निमोनियाबाट गम्भीर बिरामी उनको पोखराको मणिपाल शिक्षण अस्पतालमा उपचारका क्रममा मंगलवार निधन भएको हो । स्वास्थ्यमा समस्या आएपछि पंगे...

चैत ३०, २०८०

लेखक एवं पत्रकार अखण्ड भण्डारीको उपन्यास ‘बोरा’ विमोचन भएको छ ।  अन्नपूर्ण पोस्ट दैनिकका प्रधान सम्पादक भण्डारीको ‘बोरा’ उपन्यास शुक्रवार काठमाडौंमा आयोजित कार्यक्रममा विमोचन गरिए...

मंसिर २, २०८०

गोपाललाई सानैदेखि धूमपानको लत बसेको थियो, शायद संगतको प्रभाव भनेको यही हुनुपर्छ । घरमा बाबुदाजुहरू हुक्का तान्थे । त्यति बेलाको चलन के भने सबैभन्दा सानोले तमाखु भर्नुपर्ने । त्यतिसम्म त ठीकै थियो, सल्काएर समे...

चैत ३०, २०८०

लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

प्रशासनिक सुधारको पाटो ५– कर्मचारीमा व्यावसायिकता विकास

प्रशासनिक सुधारको पाटो ५– कर्मचारीमा व्यावसायिकता विकास

बैशाख २७, २०८१

नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...

x