२१ जेठ २०८३, बिहीबार
विराटनगरस्थित पशुपति सुनचाँदी पसलका सञ्चालक विश्वजीत जाना ४० केजी चाँदीसहित पक्राउ परेका छन् ।
उनलाई नेपाल प्रहरी, सशस्त्र प्रहरी र विराटनगर भन्सार कार्यालयबाट खटिएको संयुक्त टोलीले विराटनगर ११ पिचरास्थित पसलबाटै पक्राउ गरेको हो ।
उक्त पसलमा छापा हानेर तस्करीको चाँदीसहित उनलाई नियन्त्रणमा लिइएको प्रहरीले जनाएको छ ।
विराटनगर भन्सार कार्यालयका सूचना अधिकारी पर्शुराम दाहालले बरामद गरेको चाँदीका गरगहना अहिले भन्सार कार्यालयमा राखिएको बताए । ‘बरामद गरिएको चाँदी तौलिनका लागि सुनचाँदी व्यवसायी संघका प्रतिनिधि पर्खिरहेका छौं,’ उनले भने ।
चाँदीको एकिन परिमाण भने तौलिएपछि मात्रै थाहा हुने उनले बताए । बरामद गरिएको चाँदीको बिलबिजक नभेटिएको उनले बताए ।
पक्राउ परेका जाना भारतीय नागरिक हुन् ।
