०२ साउन २०८३, शनिबार
रुकुम पश्चिममा जीप दुर्घटना हुँदा २२ जना घाइते भएका छन् । चौरजहारी नगरपालिकाको खोलागाउँदेखि सदरमुकाम मुसिकोट जाँदै गरेको लु१ज २२९७ नम्बरको जीप सोमबार बिहान चौरजहारी-८ चौरीज्युलामा दुर्घटना भएको जिल्ला प्रहरी कार्यालयका प्रवक्ता इन्स्पेक्टर विष्णु श्रेष्ठले लोकन्तरलाई जानकारी दिए ।
उनका अनुसार घाइतेहरूलाई उद्धार गरेर मिसन अस्पताल पठाइएको छ । घाइतेमध्ये धेरैजसो बोल्न नसक्ने अवस्थामा रहेको उनले बताए ।
जीप सडकबाट करिब २५० मिटर तल भेरी नदी किनारमा खसेको छ ।
दुर्घटनाबारे विस्तृत विवरण आउन बाँकी रहेको उनको भनाइ छ ।
