रुपेन्देहीको सरकारी जग्गा व्यक्तिको नाममा ल्याउने प्रक्रियामा संलग्न भएको आरोप लागेका तीनजना दोषी ठहर भएका छन् ।

नापी अधिकृत घनश्याम दुवे, सर्भेक्षक रामराज यादव र जग्गाधनी मुना पासवानलाई विशेष अदालतले बिहीवार दोषी ठहर गरेको हो ।

टेकनारायण कुँवर, तेजनारायणसिंह राई र मुरारीबाबु श्रेष्ठको इजलासले उनीहरूलाई दोषी ठहर गर्दै जनही ३ महिना कैदको सजायसमेत सुनाएको छ । 

यस्तै अदालतले व्यक्तिको नाममा ल्याइएको रुपन्देहीको खड्वा बनगाई वडा नम्बर ४ को उक्त सरकारी जग्गा पनि जफत हुने फैसला गरेको छ ।

यसैगरी अदालतले यो प्रकरणमा संलग्न अन्यमाथि अनुसन्धान नभएको भन्दै अभियोजन गर्न अख्तियार दुरुपयोग अनुसन्धान आयोगका नाममा निर्देशनात्मक आदेश पनि जारी गरेको छ ।