नेकपा एमालेका अध्यक्ष केपी शर्मा ओलीले दुई पक्षको सहमतिबिना बैंकको ब्याजदर बढाउन नपाइने व्यवस्था गर्नुपर्ने बताएका छन् ।

ललितपुरको च्यासलस्थित एमाले केन्द्रीय कार्यालयमा आज बैंक, बीमा तथा वित्तीय संस्था कर्मचारी सङ्घ नेपालको सातौं राष्ट्रिय महाधिवेशनलाई सम्बोधन गर्दै उनले यस्तो बताएका हुन् ।

बैंकले एकतर्फीरुपमा ब्याजको दर बढाउने गरेको भन्दै उनले दुई पक्षीय सहमतिबिना ब्याजको दर घटबढ गर्न नपाइने व्यवस्था गर्नुपर्ने बताए ।

‘बैंकबाट नौ प्रतिशतमा लिएको ऋण केही समय १०, १२ हुँदै १४ प्रतिशतसम्म पुग्ने गरेको छ’, अध्यक्ष ओलीले भने, ‘उक्त ऋण तिर्न जाँदा ब्याजले सेवाग्राहीलाई समस्यातर्फ धकेलिरहेको हुन्छ ।’

उनले ऋण लिने र दिने दुवैको सहमतिबाट ब्याजको दर फेरबदल गर्नुपर्ने बताए ।

‘नौ प्रतिशतमा ल्याइएको ऋणको ब्याज १२–१४ प्रतिशत कहाँबाट ल्याएर तिर्ने रु ऋणीलाई कहाँबाट प्रतिफल आउँछ र तिर्ने ?', ओलीले भने, 'हामीलाई मर्का पर्‍यो त्यस कारण ब्याजको दर बढायौं । अर्का ऋणीलाई परेको मर्का कसले हेर्ने रु सहमतिका आधारमा निश्चित मापदण्ड बनाएर ऋण लिने र दिने व्यवस्था गर्नुपर्छ ।'

धितो र ऋण असुल गर्नुमात्र बैंकको काम नभएकोसमेत उनले बताए ।​

बैंकले लगानी गरेपछि उक्त रकम सदुपयोग भएको छ कि छैन भनेर अनुगमन गर्नुपर्ने ओलीको भनाइ थियो ।​ सानो पुँजीबाट केही शुरूवात  गरौं भन्नेलाई बैंकले ऋण दिनुपर्ने उनले बताए ।