१४ असार २०८३, आइतबार
पोखरास्थित सूर्यदर्शन सहकारीको सञ्चालक समितिका एकजना सदस्य पक्राउ परेका छन् । पक्राउ पर्नेमा सुनसरीको इनरुवा नगरपालिका–५ का ३० वर्षीय प्रमोद भट्टराई रहेको प्रहरीले जनाएको छ ।
उनलाई काठमाडौं उपत्यका अपराध अनुसन्धान कार्यालयसँगको समन्वयमा काठमाडौंस्थित गोकर्णेश्वर–४, माकलबारीबाट पक्राउ गरिएको कास्की प्रहरीले जनाएको छ ।
उनी बिहीबार दिउँसो पक्राउ गरिएको थियो । काठमाडौंमा पक्राउ परेका उनलाई बिहीबारै कास्की पुर्याइएको छ ।
सहकारीको रकम हिनामिना गरेको प्रकरणमा जीबी राईसहित एक दर्जन व्यक्ति अझै फरार छन् । उनीहरूले सहकारीको कास्कीमा मात्रै १९ हजारभन्दा बढी बचतकर्ताको १ अर्ब ३५ करोड रुपैयाँभन्दा बढी रकम हिनामिना गरेको आरोप छ।
