२२ असार २०८३, सोमबार
काठमाडौं– नेपाल कम्युनिष्ट पार्टी (नेकपा)को स्थायी कमिटी बैठक सकिएको छ ।
शनिवार पार्टी कार्यालय धुम्बाराहीमा बसेको बैठकमा प्रधानमन्त्री एवं पार्टी अध्यक्ष केपी शर्मा ओलीले वर्तमान राजनीतिक अवस्था र सरकार सञ्चालनबारे आफ्नो धारणा राखेका थिए । त्यस्तै अर्का अध्यक्ष पुष्पकमल दाहाल प्रचण्डले दुबै अध्यक्षका तर्फबाट राजनीतिक प्रतिवेदन पेश गरेका थिए ।
प्रचण्डले प्रस्तुत गरेको प्रतिवेदनमा नेता बामदेव गौतमले लिखित सुझावसहितको फरक मत राखेका छन् ।
प्रचण्डले पेश गरेको राजनीतिक प्रतिवेदन र नेता गौतमले पेश गरेको फरक मतसहतिको सुझाव अध्ययनका लागि सबै स्थायी समिति सदस्यहरुलाई उपलव्ध गराइएको छ ।
स्थायी समिति सदस्यहरुलाई राजनीतिक प्रतिवेदन अध्ययन गर्नको लागि समय दिँनका लागि भन्दै अर्को बैठक सोमबारका लागि बोलाइएको छ ।
आगामी बैंठक सोमबार ११ बजे पार्टी कार्यालय धुम्बाराहीमा बस्नेछ ।
