देउवा पौडेल सहमतिलाई नेताहरूको चुनौती, शुरू हुन सकेन केन्द्रीय समिति बैठक

सभापति शेरबहादुर देउवा, वरिष्ठ नेता रामचन्द्र पौलेड र नेता कृष्ण सिटौला पक्षबीच भएको त्रिपक्षीय सहमति अनुमोदनका लागि सोमवारका लागि बस्ने भनिएको कांग्रेस केन्द्रीय समिति बैठक शुरू हुन सकेको छैन ।

दिउँसो १ बजेका लागि बोलाइएको बैठक अपराह्न ४ बजेसम्म पनि बस्न नसकेको एक केन्द्रीय सदस्यले लोकान्तरलाई जानकारी दिए । लामो समयको विवाद तोड्दै देउवा, पौडेल र सिटौला पक्षबीच गत साता २०७७ फागुनमा महाधिवेशन गर्नेगरी सहमति जुटेको थियो ।


Advertisement

केन्द्रीय समितिको बैठकअघि पार्टी केन्द्रीय कार्यालय परिसरमा लोकान्तरसँग कुरा गर्दै कांग्रेस केन्द्रीय सदस्य अर्जुननरसिंह केसीले उक्त सहमति मान्य नभएको प्रतिक्रिया दिए ।

‘सबै निर्णय विधानअनुसार नै हुनुपर्छ, नेताले कोठामा गरेको सहमति स्वीकार्य छैन,’ केसीले भने । केन्द्रीय समितिको लागि पार्टी केन्द्रीय कार्यालय पुगेको समयमा सभापति देउवाविरुद्ध नेविसंघ कार्यकर्ताले नाराबाजी गरेका थिए । त्यसक्रममा नेविसंघका दुई समूहका कार्यकर्ताबीच झडप समेत भएको छ । 


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्