काठमाडौं – थाइल्यान्डको फितसानुलोक प्रान्तमा रहेको एक गाउँमा बस्ने लाम फ्राईका दुवै स्तन अस्वाभाविक रूपमा बढेका छन् । 

चिकित्सकहरूले आफ्नो रोग पहिचान पनि गर्न नसकेको र उपचार पनि नगरेको उनले बताइन् । 

शुरूका चारदेखि पाँच महिनामा उनको देब्रे स्तन बढ्यो अनि दाहिने स्तन पनि बढ्न थाल्यो । 

उनको स्तनमा क्यान्सरजन्य ट्युमरहरू नभएको फुतथाचिनारत अस्पतालमा रहेका चिकित्सकहरूले बताएका छन् । 

उनको पूर्ण स्वास्थ्य परीक्षण साउन ३ गते मात्र हुनेछ तर उनी र उनका पति बेरोजगार भएकाले खर्च गर्न सक्ने स्थितिमा छैनन् । 

फ्राईले मानिसहरूलाई आर्थिक सहायता उपलब्ध गराउन अपील गरेको एक स्थानीय पत्रकारले बताए । 

तीन वर्षअघि उनले आफ्ना स्तनहरू बढ्न थालेको थाहा पाइन् तर विगत नौ महिनामा स्तन अस्वाभाविक रूपमा बढ्न थाले । 

यी ४६ वर्षीया महिलाले वैशाखी टेकेर मात्र हिँड्न सक्छिन् र विशाल स्तनका कारण उनको मेरुदण्डमा असर परेको छ । 

स्तन अस्वाभाविक रूपमा बढ्दा उनको निप्पलमा पीडा भएको छ । 

ब्रेस्ट हाईपरट्रफी नामक रोगले स्तनलाई अनियन्त्रित रूपमा बढ्न योगदान गर्छ । जाइग्यान्टोमास्टिया नामक दुर्लभ रोगको यो एक प्रकार हो । 

द डेली मेलबाट