असोज १९, २०८०
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
असोज ५, २०७६
काठमाडौं– भ्रष्टाचारको आरोप पुष्टि भएपछि गत जेठ ११ गते नेपाली सेनाका प्रमुख सेनानी केशवराज कार्की बर्खास्तगीमा परे ।
कालीसिद्धी गण उदयरपुरको प्रमुख रहेका बेला उनले गणको आन्तरिक हिसाबकिताब र राष्ट्रपति चुरे तराई–मधेस संरक्षण कार्यक्रमको रकम हिनामिना गरेको ठहर भएपछि जनरल सैनिक अदालतले अनियमितता गरेको रकम फिर्ता गराउन र ३ महिना कैद तथा बर्खास्तगीको आदेश दिएको थियो ।
सेनानी कार्कीले गण र राष्ट्रपति चुरे तराई–मधेस संरक्षण कार्यक्रमको ४९ लाख २९ हजार ८ सय ८९ रुपैयाँ भ्रष्टाचार गरेको ठहर अदालतले गरेको थियो ।
सेनाभित्रका यस्ता कुराहरू प्रायः बाहिर आउँदैनन्, त्यसैले पनि आमनागरिकमा सेनाबारे बढी चासो पाइन्छ ।
नेपाली सेनाभित्र के कस्ता भ्रष्टचार हुन्छन् ? कानूनविपरीत काम गर्नेलाई कस्तो कारवाही हुन्छ ? लगायतका प्रश्न सर्वसाधारणले गर्ने गर्छन् ।
सेनामा गल्ती गर्नेलाई कारवाही गर्ने आफ्नै विधान छ र अदालत पनि ।
सैनिक अदालतका फैसलाहरू अन्य अदालतको जस्तो धेरै चर्चामा भने आउँदैनन् ।
४ सय १२ जना कारवाहीमा
सैनिक जङ्गी अड्डाको तथ्यांक हेर्ने हो भने २०७१ साल वैशाख १ गतेदेखि २०७६ साल जेष्ठ २० गतेसम्म अर्थात् पछिल्लो ४ वर्षको अवधिमा ४ सय १२ जना कारवाहीमा परेका छन् ।
एकजना अधिकृत र ५५ जना अन्य दर्जाका सैनिक कर्मचारी गरी ५६ जनाको घटुवा भएको जङ्गी अड्डाले जनाएको छ ।
यस्तै ६ जना सैनिक अधिकृत र ३ सय ४० जना अन्य दर्जाका सैनिक गरी ३ सय ४६ सैनिक कर्मचारीलाई भविष्यमा अयोग्य नठहरिने गरी बर्खास्त गरिएको छ ।
१० जनालाई भने भविष्यमा अयोग्य ठहरिने गरी बर्खास्त गरेको सेनाका साहयक रथी विज्ञानदेव पाण्डेले बताए ।
पूर्णचन्द्र आएपछि २ सय सैनिक कारवाहीमा
वर्तमान प्रधान सेनापति पूर्णचन्द्र थापाले कार्यभार सम्हालेपछि मात्र २ सय ४ जनामाथि कारवाही भएको छ ।
गत वर्षको भदौ २४ गते पदबाहली गरेपछि गत जेठ २० गतेसम्मको तथ्यांक केलाउँदा २ सय ४ जनामाथि कारवाही भएको देखिन्छ । एकजना सैनिक अधिकृत र २८ जना अन्य दर्जाका सैनिक कर्मचारीलाई विभागीय कारवाही गरिएको छ ।
४ जना सैनिक अधिकृत र १ सय ६५ जना सैनिक कर्मचारी भविष्यमा अयोग्य नठहरिने गरी बर्खास्तगीमा परेका छन्, भने ६ जना सैनिक कर्मचारी भविष्यमा अयोग्य ठहरिने गरी बर्खास्त भएको सैनिक जङ्गी अड्डाले जनाएको छ ।
कारवाहीले सैनिकमा सकरात्मक प्रभाव !
कानूनविपरीत काम गरेका सैनिक कर्मचारीहरूलाई कारवाही गर्दा नेपाली सेनामा सकरात्मक प्रभाव परेको सेना प्रवक्ता सहयक रथी विज्ञानदेव पाण्डे बताउँछन् ।
‘कारवाहीले सैनिकको मनोबललाई सकरात्मक असर पारेको देखिन्छ । पदको दुरुपयोग गरेर अतिरिक्त सुविधा लिनेहरू कारवाहिको दायरामा आउने भए,’ उनले भने, ‘संगठनात्मक सुधारमा सेनाको एउटा पद्धति छ, त्यसलाई मद्दत पुग्छ ।’
नौजवान सेनाका कर्मचारीहरूलाई यस्ता कारवाहीले मनोबल उच्च राख्न र नराम्रो काम गर्नेलाई निरुत्सान गर्न सहयोग गर्ने सहायक पाण्डेले बताए ।
‘गलत गर्नेलाई सह्यो भने अरूले पनि गलत गर्छन्, यदि गलत गर्नेलाई कारवाही गर्ने हो अरू पनि गलत गर्न डराउँछन्, त्यसकारण पनि सेनामा हुने कारवाहीले सकरात्मक प्रभाव पार्छ’, पूर्व उपरथी बलानन्द शर्मा भन्छन् ।
उनले थपे, ‘मानिस स्वभावैले अल्छी हुन्छ, त्यसकारण उसलाई जुझारू बनाउन कारवाही जरुरी छ ।’
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
स्वास्थ्य तथा जनसंख्या मन्त्री उपेन्द्र यादवका छोरा अमरेन्द्र यादवले मन्त्रालयमा 'छायाँ मन्त्री'को झल्को दिनेगरी काम गरिरहेको चर्चा हुन थालेको छ । मन्त्री यादवले गर्नुपर्ने कामसमेत स्वकीय सचिवको रूपमा रहेका ...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...