विशेष प्रकृतिका ३ कैदी छुटे

जिल्ला कारागारबाट ३ कैदी छुटेका छन् ।

अदालतको फैसलामा १ वर्ष वा त्यसभन्दा कम कैद सजाय भएका कैदी रिहाइ भएका हुन् ।  

कोभिड–१९ संक्रमणलाई ध्यानमा राखी सर्वोच्च अदालतले विशेष प्रकृतिका कैदीलाई रिहा गर्ने फैसलाअनुरुप ६ जनाले जिल्ला अदालतमा निवेदन दिएका थिए ।

तीध्ये २ जना कैद बापतको रकम बुझाएर र १ जना समयावधि पुगेर रिहा भएका छन् ।

त्यसैगरी १ जना कैद बापतको रकम बुझाउन नसकेर र २ जनाको मुद्दा फैसला नभएकाले रिहा हुन सकेका छैनन् ।

जिल्ला अदालतका न्यायाधीश वासुदेव पौडेलको एकल इजलासले उनीहरूलाई रिहा गर्न आदेश दिएको अदालतका नायब सुब्बा कृष्णप्रसाद गौतमले जानकारी दिए ।