महिलाका लागि असुरक्षित भारत : बाटोमा जिस्क्याउनेहरूले लिए प्रतिभाशाली युवतीको ज्यान

भारतको ग्रेटर नोयडामा बस्ने सुदीक्षा भाटीले आफ्नो मेहनतको बलमा अमेरिकाको छात्रवृत्ति पाएकी थिइन् । 

उनका पिता चिया बेचेर परिवारको भरणपोषण गर्छन् । 


Advertisement

सोमवार दिउँसो मामाघर जाँदै गर्दा बुलन्दशहरमा युवकहरूले उनलाई जिस्क्याउँदा दुर्घटनामा परी उनको मृत्यु भयो । सुदीक्षा बाइकमा रहेका युवकबाट बच्नका लागि हतारहतार अघि बढ्दै गर्दा सन्तुलन बिग्रिएर सडकमा लडिन् र उनको मृत्यु भयो । 
 

प्रतिभाशाली छोरी गुमाउनुपर्दा परिवार नै छिन्नभिन्न हुन पुगेको छ । 


Advertisement

पिता जितेन्द्र भाटी चियापसल चलाउँछन् । उनले भने, ‘एउटा तार टुटेको छ । प्रहरीबाट मलाई न्याय चाहिएको छैन । मेरी छोरीलाई न्याय चाहिएको हो । उसको कुनै दोष थिएन । अमेरिका जानुअघि ऊ मामालाई भेट्न चाहन्थी ।’

सन् २०१८ को सीबीएसई परीक्षामा ९८ प्रतिशत अंक ल्याएर बुलन्दशहर टपेको पिताले जानकारी दिए । 

सन् २०१८ को अगस्टमा उनी अमेरिका गएकी थिइन् । त्यहाँ बबसन कलेजमा उनी बिजनेस म्यानेजमेन्टको कोर्स गरिरहेकी थिइन् । उनले ३.८० करोड भारुको छात्रवृत्ति पाएकी थिइन् । 

गत जुन महिनामा भारत आएकी सुदीक्षा अगस्ट २० मा अमेरिका फर्कन खोज्दै थिइन् । 
 

सुदीक्षा आफ्ना दाइ निगमसँग स्कूटीमा चढेर मामाघर माधवगढ जाँदै थिइन् । उनीहरू बुलन्दशहर–गढ राजमार्गस्थित चरौरा मुस्तफाबाद गाउँको मोड नजिक पुगे । 

बुलेट बाइकमा रहेको एक युवकले उनीहरूको बाइकलाई बारम्बार ओभरटेक गर्दै जिस्क्याइरहेको आरोप छ । उसले स्कूटी अगाडि आएर झ्याप्पै ब्रेक लगाएपछि निगमले स्कूटीमा नियन्त्रण गुमाएको र दुवैजना स्कूटीबाट लडेको बताइएको छ । 

निगमलाई गम्भीर चोटपटक लागेको छ भने सुदीक्षाको मृत्यु भयो । 

बुलेट बाइकमा रहेका मानिसहरू फरार भए । 

एजेन्सी
एजेन्सी

लेखकबाट थप...

कमेन्ट गर्नुहोस्