विपद्का कारण हुन सक्ने क्षति न्यूनीकरण गर्न एक ढिक्का भएर लाग्न आह्वान

प्रधानमन्त्री केपी शर्मा ओलीले भविष्यमा आउन सक्ने भूकम्पलगायत कुनै पनि विपद्का कारण हुन सक्ने जनधनको क्षति न्यूनीकरण गर्न सम्पूर्ण मुलुक एक ढिक्का भएर लाग्न आह्वान गरेका छन् । उनले यसका लागि विपद् जोखिम न्यूनीकरणका लागि गर्नुपर्ने कामलाई संस्थागत रुपमा दिगो र परिणाममुखी बनाउन सरकारका तर्फबाट योजनाबद्ध प्रयत्न गरिने बताए ।

‘बहुप्रकोपीय विपद्मा भूकम्पीय सुरक्षा, साझा सहकार्यमा जनधनको रक्षा’ भन्ने मूल नाराका साथ मध्यपुरथिमि नगरपालिकाको बोडेस्थित ऐतिहासिक एवं धार्मिकस्थल कुमारी मन्दिर परिसरमा आज आयोजित २३ औँ राष्ट्रिय भूकम्प सुरक्षा दिवसको उद्घाटन कार्यक्रममा भूकम्प सुरक्षा दिवसको सन्देश पठाउँदै उहाँले गोरखा भूकम्पको असरबाट मुलुक अझै पूर्ण रुपमा तङ्ग्रिनसकेका अवस्थामा भूकम्पका कारण भएको क्षतिलाई सरकारले बदलिरहेको र दत्तचित्त भएर पुनर्निर्माणलाई अन्तिम चरणमा पु¥याएको जनाए ।


Advertisement

प्रधानमन्त्री ओलीले विसं २०७२ को भूकम्पपछिको पुनर्निर्माणलाई आधार बनाएर सरकारले यस वर्षको बाढीपहिराले क्षति गरेको देशभरिका हजारौँ घरको पुनर्निर्माण गर्ने कार्यविधि यसै साता पारित गरेको जानकारी पनि दिए ।

विपद् जोखिम न्यूनीकरणका लागि सेन्डाई फ्रेमवर्क, दिगो विकास लक्ष्य तथा पेरिस सम्झौतालगायत अन्तरराष्ट्रिय अनुबन्धले तय गरेको प्राथमिकता र लक्ष्यलाई आधार मानेर नेपालका सन्दर्भमा हाम्रा आफ्नै प्राथमिकता एवं लक्ष्य तोक्ने र सोहीमुताविक निश्चित कार्ययोजनाका साथ अघि बढ्न नेपाल दृढ सङ्कल्पित रहेको सन्देशमा उल्लेख छ ।


Advertisement

 विसं २०७२ को भूकम्पले हामीलाई धेरै ठूलो पाठ सिकाएको सन्देशमार्फत बताउँदै प्रधानमन्त्री ओलीले भूकम्पपछि पुनर्निर्माणको काम अलि ढिलो गरी पूरा गर्न लागिएको र पुनर्निर्माण सबल ढङ्गले फेरि नढल्ने गरी सम्पन्न गर्न निकै हरदम सफल भएको बताए ।

 देशैभरि बन्ने नयाँ घरको सुरक्षित निर्माणका लागि नगरपालिका र गाउँपालिका, विभिन्न सरकारी निकाय, सामाजिक, गैरसरकारी, द्विपक्षीय तथा बहुपक्षीय साझेदार संस्थामार्फत भवन निर्माण संहिताको कार्यान्वयनमा जोड दिइएको जनाउँदै उनले  नेपालको अनुभव अन्य देशलाई पनि अनुकरणीय रहेको बताए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्