द्वन्द कलाकार तथा निर्देशकहरूको छाता संस्था नेपाल चलचित्र द्वन्द संघको नयाँ नेतृत्वमा नारायण प्रधान आएका छन् । 

हालै काठमाडौंमा भएको वार्षिक साधारण सभा तथा अधिवेशनबाट उनलाई सर्वसम्मत रुपमा नयाँ कार्यसमितिको नेतृत्वमा पठाइएको हो । उनी नेपाल व्याम मन्दिरका अध्यक्ष समेत हुन् ।

प्रथम उपाध्यक्षमा रेवन्त विक्रम थापा, दृतिय उपाध्यक्षमा रोशन गुरुङ, महासचिव पुण्य प्रसाद ओझा र कोषाध्यक्षमा रुका लामा निर्विरोध चयन भएका छन् । यस्तै,  केन्द्रीय सदस्यतर्फ दिलीप श्रेष्ठ, लक्ष्मी कुमारी दाहाल, रविन्द्र खड्का, सञ्जय थापा, विश्वराज घिसिङ, सम्राट बस्नेत, श्री श्रेष्ठ, पेमा लामा र रोहित थापा छानिएका छन् ।

यो नेतृत्वले २ वर्ष संघमा रहेर काम गर्नेछ । यस अघि सूर्य थोकरले दुई वर्षको कार्यकाल सम्हालेका थिए ।