नेकपा पार्टी कार्यालय कैलालीमा नेकपा एमालेको ब्यानर टाँगिएको छ। आइतबार सर्वोच्च अदालतले नेकपाको आधिकारिकता ऋषि कट्टेललाई दिँदै एमाले र माओवादी केन्द्रलाई ब्युँताइदिएपछि एमालेले पार्टी कार्यालयमा नाम र साइनबोर्ड राख्न लागेको हो।

धुम्बाराही पार्टी कार्यालयबाट आज देशभरको पार्टी कार्यालयहरूमा एमालेको बोर्ड राख्न निर्देशन दिइएको छ। सोही क्रममा कैलालीमा पनि एमालेको ब्यानर राखिएको हो। 

नेकपा एमालेका प्रदेश अध्यक्ष कर्ण थापा, पूर्व प्रदेश मन्त्री तथा सांसद पठान सिंह बोहरा, नेता रतन थापा लगायतको उपस्थितिमा ब्यानर टाँगिएको थियो।  

उता नेकपा एमालेले पार्टी कार्यालय टीकापुरमा पार्टीको नाम लेखिएको ब्यानर टाँगिएको छ। 

आइतबार सर्वोच्च अदालतले नेकपाको आधिकारिकता ऋषि कट्टेललाई दिँदै एमाले र माओवादी केन्द्रलाई ब्युँताइदिएपछि एमालेले पार्टी कार्यालयमा नाम र साइनबोर्ड राख्न लागेको हो।

त्यसपछि सोमवारबाटै देशभरका पार्टी कार्यालयहरूमा ‘नेकपा एमाले’ लेखिएका साइनबोर्ड राख्ने क्रम शुरू भएको छ। सोही क्रममा टीकापुरमा पनि एमालेको ब्यानर राखिएको हो। 

नेकपा टीकापुरका नेता तथा नगर प्रमुख तपेन्द्र रावल, नेता श्याम खत्री लगायतको उपस्थितिमा ब्यानर टाँगिएको थियो।